سِتم جفا کا دوبارہ کہیں نہ کر جائے
وہ شخص مجھ سے کنارا کہیں نہ کر جائے
وہ فاصلوں کا تمنائی دِل سنبھلنے تک
مسافتوں کا اشارہ کہیں نہ کر جائے
ہم ایسے تِیرہ نصیبوں کو واردات ِحیات
کسی کی آنکھ کا تارا کہیں نہ کر جائے
میں کیسے ترکِ تعلق کا تذکرہ چھیڑوں
یہ بات بھی وہ گوارا کہیں نہ کر جائے
یہ سوچ لے کہ دِلِ نامراد بھی ساحل
وفا کے روگ کا چارا کہیں نہ کر جائے
انکار صلیبوں پہ جڑے ہیں یارو
حادثوں کا کمال ہو جیسے