پشاور (جیوڈیسک) ایئرپورٹ انتظامیہ نے حجاج کی واپسی کی پروازیں رات کے بجائے صرف دن کے اوقات میں اتارنے کا فیصلہ کیا ہے۔
پشاور ایئرپورٹ کے اعلیٰ حکام کے اجلاس میں ایئرپورٹ پر سکیورٹی کی صورتحال کا جائزہ اور گزشتہ دنوں پرواز پر فائرنگ کے واقعے پر بھی غور کیا گیا جبکہ اس موقع پر حجاج کرام کی وطن واپسی کی پروازوں کو رات کے بجائے دن کے اوقات میں اتارنے کا بھی فیصلہ کیا گیا۔
ذرائع کے مطابق یہ فیصلہ جہازوں پر فائرنگ کے واقعات کے تناظر میں کیا گیا ہے تاکہ حج آپریشن کے دوران کسی بھی ناخوشگوار واقعہ سے بچا جا سکے۔
واضح رہے کہ پشاور ایئرپورٹ پر پروازوں پر فائرنگ کے دو مختلف واقعات پیش آ چکے ہیں جس میں پہلا واقعہ 24 جون کو پیش آیا تھا جس میں فائرنگ سے ایک خاتون مسافر جاں بحق ہوگئی تھیں جبکہ دوسرا واقعہ 27 ستمبر کو پیش آیا تاہم اس میں کسی قسم کا جانی نقصان نہیں ہوا تھا۔
طاہر القادری کا انقلاب دھرنا دوسرے شہروں میں بھی دینے کا اعلان
آئندہ 2 سال میں الیکٹرانک ووٹنگ مشین متعارف کرا دی جائے گی، الیکشن کمیشن