پشاور (جیوڈیسک) پشاور، مردان اور گردو نواح میں ایک سو دس کلو میٹر فی گھنٹہ کی رفتار سے آندھی آنے سے متعدد دیواریں گر گئیں جس کے نتیجے میں 11 افراد زخمی ہو گئے۔
زخمیوں کو طبی امداد کیلئے قریبی اسپتال منتقل کر دیا گیا ہے۔ آندھی سے کئی گاڑیوں اور رکشوں کو بھی نقصان پہنچا جبکہ علاقے میں بجلی کا نظام بھی درہم برہم ہو گیا۔ ترجمان پی ڈی ایم اے کے مطابق آندھی کی رفتار 110 کلو میٹر فی گھنٹہ تھی۔ ہنگو میں موسلا دھار بارش نے جل تھل ایک کر دیا۔
موسم کا حال بتانے والوں نے مالاکنڈ، ہزارہ، پشاور، مردان، کوہاٹ ڈویژن، اسلام آباد میں تیز ہواؤں کے ساتھ بارش اور بعض مقامات پر ژالہ باری کی پیشگوئی کی ہے۔واضح رہے گزشتہ دنوں راولپنڈی اور اسلام آباد سمیت پشاور کے مختلف علاقوں میں آندھی اور طوفانی بارش کے باعث حادثات کے نتیجے میں 13 افراد جاں بحق اور متعدد زخمی ہو گئے تھے۔
پاکستان کا کلبھوشن یادیو تک قونصلر کی رسائی نہ دینے کا فیصلہ
پی ٹی آئی ووٹ کی طاقت اور نون لیگ دھاندلی پر یقین رکھتی ہے: نعیم الحق