پشاور (جیوڈیسک) تحریک انصاف کا جلسہ شروع ہونے سے قبل ہی پنڈال میں شدید بدنظمی پیدا ہوگئی جس کے نتیجے میں پولیس نے کارکنان پر لاٹھی چارج کیا جس میں 2 افراد زخمی ہوئے جب کہ اس دوران ہوائی فائرنگ بھی کی گئی۔
تحریک انصاف کے پشاور جلسے کے آغاز سے قبل ہی اس وقت بدنظمی دیکھنے میں آئی جب کچھ ڈنڈا بردار کارکنان نے اسٹیج پر پہنچنے کی کوشش کی لیکن وہاں موجود ذمہ داروں کی جانب سے انہیں منع کرنے پر کارکنان مشتعل ہوگئے اور توڑ پھوڑ شروع کردی جب کہ حالات پر قابو پانے کے لیے پولیس نے انہیں روکنے کی کوششش کی تو کارکنان پولیس سے الجھ پڑے ، اس دوران ہاتھا پائی بھی ہوئی اور کارکنوں نے واک تھرو گیٹ بھی اکھاڑ دیئے۔
پی ٹی آئی کارکنان اور پولیس کے درمیان ہاتھا پائی کے بعد پولیس نے لاٹھی چارج کردیا اور ہوائی فائرنگ بھی کی گئی، اس دوران پولیس کے لاٹھی چارج سے 2 کارکن بھی زخمی ہوئے۔
پاناما لیکس پر وزیراعظم کی سینیٹ میں وضاحت تک اجلاس کا بائیکاٹ کرینگے، اعتزاز احسن
میاں صاحب اپنے امپائر بھی کھڑے کردو لیکن شکست آپ ہی کی ہوگی، عمران خان