پیرمحل (نامہ نگار) نفری کی کمی یا فرائض سے پہلوتہی فوری امداد کے لیے پولیس کا 15 غیر موثر ، کسی بھی واردات کی اطلاع 15 پر دینے کے لیے گھنٹوں فون کال ، آگے سے فون اٹھایا ہی نہیں جاتا اگر آپریٹر 15کال اٹینڈکرلے تو گھنٹوں پولیس اطلاع ملنے کے باوجود نہ پہنچنے پر ملزمان آسانی سے فرار ہونے لگے ڈی پی اوٹوبہ ٹیک سنگھ فی الفور 15 کو موثر بنائیں تفصیل کے مطابق ضلع ٹوبہ ٹیک سنگھ بھر میں سابقہ ایس پی نے جدید نظام کے ذریعے 15پر ہونے والی کال کو ریکارڈ کرنے اور ضلع بھر میں پولیس کی گشت کرنے والی گاڑیوں پر نظر رکھنے کے لیے کمپوٹرائز نظام تشکیل دیا تھا جس کے تحت کسی 15 پر آنے والے کال کو گشت کرتی ہوئی پولیس گاڑی کے ذریعے موثر انداز میں بروقت امداد فراہم کی جاتی رہی ایس پی بلال کے تبادلہ کے بعد ضلع ٹوبہ ٹیک سنگھ کی پولیس کے پاس جدید نظام موجود ہونے کے باوجود کسی بھی متعلقہ پولیس افسر نے ذمہ داری قبول نہ کی جس پر 15اور کمپوٹرائز کا جدید نظام کباڑخانے کی نذرہوگیا 15کی کال پہلے تو اٹینڈ نہیں کی جاتی اگر اٹینڈ کرلی جائے تو اطلاع کے باوجود نفری کی کمی کا بہانہ بناکر گھنٹوں پولیس جائے واردات پر نہیں پہنچتی علاوہ ازیں ضلع بھر میں گشت کرنے والی پولیس گاڑیوں کی مانیٹرنگ نہ ہونے پر پولیس ملازمین گشت کرنے کی بجائے گاڑیاں اپنے نجی کاموں میں استعمال کرتے نظرا تے ہیں جب کسی واردات کے لیے پولیس نفری کو گاڑیوں کی ضرورت ہوتی ہے گاڑی یا تو پولیس ملازمین کو لے کر عدالت کچہری گئی ہوتی ہے یا پھر کسی نجی کام کے سلسلہ میں مصروف ہوتی ہے جس وجہ سے کسی بھی ممکنہ واردات پر پولیس کی نفری کا بروقت پہنچنا ناممکن ہوتا ہے میاں اختر علی فقیر سماجی شخصیت نے ڈی پی اوٹوبہ ٹیک سنگھ سے مطالبہ کیا ہے کہ سابقہ پوزیشن کے مطابق 15سروس کو بحال کرتے ہوئے ضلع ٹوبہ ٹیک سنگھ میں جدید نظام کے ذریعے 15پر ہونے والی کال کو ریکارڈ کرنے اور ضلع بھر میں پولیس کی گشت کرنے والی گاڑیوں پر نظر رکھنے کے لیے کمپوٹرائزنظام کو کسی ایماندار افسر کی نگرانی میں فعال کیاجائے تاکہ جرائم پیشہ افراد کا بروقت تدارک کرنے میں مدد مل سکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ٹوبہ ٹیک سنگھ میں کئی مہینوں سے قائم کیا گیا پاسپورٹ آفس انتظامیہ کی عدم توجہی کی نظر افتتاح کئی مہینوںسے دفترقائم اور عملہ تعینات ہونے کے باوجود سروس مہیا نہ کی گئی عوامی مشکلات کے پیش نظر فی الفور پاسپورٹ آفس چالو کیا جائے عوامی حلقے تفصیل کے مطابق وفاقی حکومت کی طرف سے ضلع ٹوبہ ٹیک سنگھ میں پاسپورٹ آفس قائم کیے ہوئے تین ماہ سے زائد کا عرصہ ہوچکا ہے جس کی بلڈنگ کا کرایہ ہزاروں روپے ادا کیاجارہاہے پاسپورٹ آفس میں عملہ تعینات ہونے کے باوجود سروس مہیا نہیں کی جارہی جس سے ضلع بھر کے لاکھوں افراد کو پاسپورٹ بنانے کے لیے دور دراز سفر کرکے فیصل آبادجاناپڑتاہے رانا شاہدالرحمن صدرپریس کلب پیرمحل نے وفاقی وزیر داخلہ چوہدری نثار احمد سے مطالبہ کیا ہے کہ فی الفور ضلع ٹوبہ ٹیک سنگھ میں قائم پاسپورٹ آفس میں سروس مہیا کی جائے تاکہ سینکڑوں مرد وخواتین کو دور دراز کا سفر طے کر کے فیصل آباد جانے سے نجات مل سکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) مسجد سے سامان چوری کرکے مسروقہ سامان سمیت فرارہوتے ہوئے چور رنگے ہاتھوں پکڑا گیا درگت کے بعد پولیس کے حوالے تفصیل کے مطابق ثمر عباس ولد اللہ دتہ تحصیل چوک بستی مہر آباد شورکوٹ سٹی ضلع جھنگ مسجد کی دیوار پھلانگ کر مسجد کے اندر داخل ہوا اور مسجد میں موجود الماری کا شیشہ توڑکر الماری میں موجو د ایمپلی فائر ، اور دیوار پرلگا ہوا کلاک او رمائیک چور ی کرکے مسروقہ سامان سمیت مسجد کے ساتھ موجود مکان کی طرف سے فرارہونے لگا تو مکان مالک محمد شہزاد ولد محمد شریف اور محمد عمران ولد غلام مصطفی اہل محلہ رنگے ہاتھوں پکڑکر پولیس کے حوالہ کردیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) واپڈاٹاسک فورس کا چھاپہ بجلی چوری کرتے ہوئے بجلی چور پکڑا گیا مقدمہ درج نامعلوم چور گھر کے باہر لگاہوا بجلی میٹر چوری کرکے لے گئے تفصیل کے مطابق ایس ڈی او سٹی پیرمحل عصمت اللہ کی سربراہی میں ڈویژنل ٹاسک فور س کمالیہ نے مدنی پارک پیرمحل میں چھاپہ مارکر ناصر زمان ولد کوثر زمان کو واپڈا کی مین لائن سے بجلی چوری کرتے ہوئے رنگے ہاتھوں پکڑکر زیر دفعہ 462Jت پ کے تحت مقدمہ درج کرلیا ملت ٹائون پیرمحل کے رہائشی محمد شبیر ولد لال دین کے گھر کے باہر لگاہوا بجلی میٹر نامعلوم چوروںنے چوری کرلیا تھانہ پیرمحل پولیس نے نامعلوم چوروں کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) حافظ محمد نجیب اسسٹنٹ کمشنر پیرمحل کا ڈپٹی ڈی ایچ او ڈاکٹر باہلک علی ہمراہ اسحاق شاہ فوڈ انسپکٹر کے ہمراہ ناقص اور غیر معیاری فوڈ پراڈکٹ کے خلاف کریک ڈائون دودکانداروں کے خلاف مقدمہ کے اندراج کی کاروائی دوکلینک کی سیمپلنگ ،، تفصیل کے مطابق حافظ محمد نجیب اسسٹنٹ کمشنر پیرمحل کا ڈپٹی ڈی ایچ او ڈاکٹر باہلک علی ہمراہ اسحاق شاہ فوڈ انسپکٹر کے ہمراہ ناقص اور غیر معیاری فوڈ پراڈکٹ کے خلاف کریک ڈائون دودکانداروں جن میں کچی کوٹھی پیرمحل میں واقع سپر بیکری کی فریز ر سیل ،مقدمہ اندرا ج ،شہبازچکن سیل سنٹر مدینہ چوک پیرمحل کے خلاف غیر معیاری فوڈ پراڈکٹ برآمد صفائی کے ناقص انتظاما ت پر زیردفعہ 269,272,273کی کاروائی تھانہ پیرمحل پولیس کو ارسال کردی جبکہ اجمل کلینک سی پلاٹ کمے شاہ ، مبشر کلینک کوثر آباد پیرمحل کے سیمپل لے کر پنجاب ہیلتھ کیئر کمیشن لاہور کو بھجوادیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل(نامہ نگار) ای ڈی اوہیلتھ کی غفلت یا لاپرواہی عوام کو معیاری اور بہتر ادویات کی فراہمی کیلئے حکومت کی جانب سے ضلعی سطح پر قائم کی جانے والی ٹاسک فورس کاقیام نہ کیا جاسکا خلاف قانون و ضابطہ علاج کے نام پرقیمتی انسانی جانوں سے کھیلنے والے عناصر کوکھلی چھٹی عطائیوں ، دائیوں اور نیم حکیموں نے ضلع بھر میں عوام کوعلاج معالجہ کے نام پر صحت اور دولت سے محروم کردیا تفصیل کے مطابق حکومت پنجاب کی ہدایات کی روشنی میںصحت عامہ کے پیش نظر ہرضلع میں ٹاسک فورس کے ذریعے ضلع بھر میں علاج معالجہ کے نام پر عوام کی صحت جان ومال سے کھیلنے والے مافیا اور نشہ آور ادویات کے خلاف کاروائی کا حکم دیا گیا مگر کئی ہفتے گذرنے کے باوجود ضلع ٹوبہ ٹیک سنگھ میں ٹاسک فورس کا قیام عمل میں نہ لایاگیا جس سے نہ صرف عطائی بلکہ نیم حکیم عوام کے جان مال صحت سے کھیل رہے ہیں جبکہ ضلع بھر میں چیک اینڈبیلنس نہ ہونے کے باعث کھلے عام نشہ آور اور غیر رجسٹرڈ ادویات فروخت ہورہی ہے جس میں کوالیفائیڈ اور ان رجسٹرڈڈاکٹر غیرمعروف کمپنیوں سے ڈیل کے تحت ان کی ادویات فروخت کرکے بھاری منافع اور مراعات لے رہے ہیں ذرائع کے مطابق معروف کمپنیوں کے رجسٹرڈ شدہ سیرپ اور انجیکشن کی دونمبر نقل تیار کرکے باقاعدہ ڈیل کے تحت میڈیکل سٹوروں پر فروخت ہورہی ہے جس میں انتہائی خطرناک سٹیرائڈز ، ویاگرا ملی گولیاں جو کہ گردوں،لیور کیلئے انتہائی مضرصحت ہے فروخت ہورہی ہے ضلعی ٹاسک فورس نہ ہونے کے باعث سادہ لوح عوام جلدی بیماری سے چھٹکار احاصل کرنے کے چکر میں ان سٹیرائیڈ ادویات کو استعمال کرنے کے باعث سنگین بیماریوںمیں مبتلاہورہے ہیں کوالیفائیڈمیڈیکل سٹور مالکان کا کہنا ہے کہ اس طرح کی ادویات عام طورپر ڈسٹری بیوٹرز براہ راست عطائی ڈاکٹروں اور نیم حکیموں کو دیتے ہیں ہم اگر اس طرح کی ادویات رکھیں تو بغیر نسخہ کے ہم کس طرح فروخت کرسکتے ہیں محکمہ صحت کی افسران کا کہنا ہے کہ اگر کوئی مریض یا اس کے لواحقین نشاندہی کریں اور پیروی کریں تو ہم کاروائی کریں گے سماجی فلاحی حلقوںنے صوبائی وزیر صحت ، وزیر اعلیٰ پنجاب میاں شہبازشریف سے مطالبہ کیا ہے کہ فی الفور ضلع میں ٹاسک فورس بناکر عطائیوں ، دائیوں اور نیم حکیموں، کے خلاف گرینڈ آپریشن کیاجائے تاکہ علاج معالجہ کے نام پر موت باٹنے والے قانون کے شکنجے میں آسکیں
آزادی کے 67 سال گزر چکے مگر سرمایا دارانہ نظام کا خاتمہ نہ ہو سکا
دوران ڈرائیونگ آنکھ اور کان کھلے رکھیں۔ حادثات کی بڑی وجہ لاپرواہی سے ڈرائیونگ کرنا ہے