پیرمحل کی خبریں 20/12/2016

Distribution of Uniform in Childrens

Distribution of Uniform in Childrens

پیرمحل (نامہ نگار) حکومت پنجاب سپیشل بچوں کو مفت یونیفارم اور ماہانہ وظیفہ کے ساتھ تعلیم و تربیت کی بہترین سہولیات فراہم کر رہی ہے، والدین کو اس سے استفادہ کرتے ہوئے سپیشل اداروں میں بھیجنے سے ہچکچانا نہیں چاہیے۔ ان خیالات کا اظہار حافظ محمد نجیب اسسٹنٹ کمشنر پیرمحل گورنمنٹ سپیشل ایجوکیشن سنٹر پیرمحل میں زیر تعلیم سپیشل بچوں میں یونیفارم تقسیم کرنے کی تقریب سے مہمان خصوصی کی حیثیت سے خطاب کرتے ہوئے انہوں نے مزید کہا کہ سپیشل بچوں میں صلاحیتوں کی کمی نہیں۔ ان کی صلاحیتوں کو نکھارنے کے لیے اساتذہ اپنا کردار ادا کر رہے ہیں۔ پرنسپل بشیر احمد ربانی، چیف آفیسر طارق محمود کمبوہ، پرنسپل وی ٹی آئی وقاص چوہدری، ماہر گفتار عمارہ عمر، آصف جیلانی، حمیرہ صدیقہ، عدیل شاہد اور والدین بھی اس موقع پر موجود تھے۔ میوزک ٹیچر فرحان حسن اور بچوں نے دعا پیش کی۔ اسسٹنٹ کمشنر نے کہا کہ سپیشل بچوں کے والدین اپنے ان بچوں کے مستقبل سے مایوس نہ ہوں بلکہ ان کے بہتر مستقبل کے لیے انہیں سپیشل ادارو ں میں ضرور بھیجیں جہاں یونیفارم، کتب، ٹرانسپورٹ کی مفت فراہمی کے ساتھ ساتھ ماہانہ وظیفہ بھی حکومت کی طرف سے دیا جاتا ہے۔ بعد ازاں انہو ں نے نابینا، متاثرہ سماعت، ذہنی پسماندہ اور جسمانی ناہموار بچوں میں یونیفارم تقسیم کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ریکارڈ میں ہرقسم کی ٹمپرنگ سے نجات ملی عوام کی کروڑوں اربوں روپے کی اراضی محفوظ ہونے سمیت عوام کو ایک ہی جگہ پر اپنی اراضی کی منتقلی فرد ملکیت ملنا شروع ہوئی عوام کا بڑھتا ہوارش عوام کے لینڈ ریکار ڈ پر اعتماد کی بہترین مثال ہے ان خیالات کا اظہار غلام حسین کاٹھیہ اسسٹنٹ لینڈ ڈا ئر یکٹر پیرمحل نے ہمراہ محمد نعیم لیاقت ایس سی او محمد آصف ایس سی اوصحافیوں رانامحمد اشرف ،ر اناشاہدالرحمن کو پریس بریفنگ میں کیا انہوںنے کہا اراضی کے کمپیوٹرائز ہونے سے ریکارڈ میں ہرقسم کی ٹمپرنگ سے نجات ملی عوام کی کروڑوں اربوں روپے کی اراضی محفوظ ہونے سمیت عوام کو ایک ہی جگہ پر اپنی اراضی کی منتقلی فرد ملکیت ملنا شروع ہوئی انہوںنے کہا کہ نئے نظام میں عوام کو آگاہی نہ ہونے کے باعث کچھ مشکلات پیش آرہی ہے جس کی بنیادی وجہ صدیوں سے چلنے والا پرانا نظام ہے جس میں کم لوگوں کی بجائے غیر متعلقہ لوگوں کو اپنے ساتھ لاکر سارا سارادن انتقال رجسٹری کے لیے افسران کے انتظار میں بیٹھے رہنا شام تھا مگر اب آسان اور ون ونڈ وپراسس کے تحت متعلقہ افراد کی فراہمی پر ہی انتقال رجسٹری ہونے سے وقت کی بچت سمیت عوامی اخراجات میں کمی واقع ہوئی ہے عوام کا بڑھتا ہوارش عوام کے لینڈ ریکار ڈ پر اعتماد کی بہترین مثال ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )شورکوٹ روڈ پر ٹریفک حادثہ موٹرسائیکل سوار جاں بحق تفصیل کے مطابق چک نمبر320گ ب کا رہائشی محمدا رشد ولد فتح محمد شورکوٹ روڈ پرٹریکٹر ٹرالی کی ٹکر سے موقع پر جان بحق ہوگیا جس کی نعش کو پولیس نے قبضہ میں لے کر ضروری کاروائی کے بعد ورثاء کے حوالے کردیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) شوگر ملز مالکان کی طرف سے حکومت کی طرف سے طے کردہ گنے کی خرید اری کی ادائیگی میں کٹوتی پر کسانوں کا شدید احتجاج سی پی آر میں سنگین بے ضابطگیوں کا حکومت نوٹس لے ممتاز دولتانہ ضلعی صدر ، غلام شبیر وڑائچ جنرل سیکرٹری کسان راہنمائوں کا مطالبہ تفصیل کے مطابق حکومت کی طرف سے رواں مالی سال گنے کی قیمت کا اعلان کیا گیا شوگر ملزانتظامیہ فی من دس روپے کٹوتی کررہی ہے اور کسانوں کو مہیا کیے گئے سی پی آر میں سنگین بے ضابطگیاں کی جارہی ہے ممتاز دولتانہ ضلعی صدر ، غلام شبیر وڑائچ جنرل سیکرٹری کسان راہنمائوں نے حکومت سے مطالبہ کیا ہے کہ کسانوں کے ساتھ ہونے والی زیادتی کو بند کرواتے ہوئے شوگر ملوں کی طرف سے کٹوتیوں کے سلسلہ کو بند کروایاجائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) نظریاتی طور پر نسل نو کے ذہنوں کی آبیاری وقت کا اہم ترین تقاضا ہے ،نااہل حکمرانوں کی ناقص حکمت عملی اور لوٹ مار کے باعث ملک اس وقت تاریخ کے نازک ترین دور سے گزر رہا ہے ،جب نظریاتی سرحدیں کمزور اور مملکت کی بھاگ ڈور چور لٹیروں اور بے ضمیرلوگوںکے ہاتھ میںہو تو ملکی سلامتی کو شدید خطرات لاحق ہوجاتے ہیں،ان خیالات کا اظہار سابق محمد ساجدتحصیل صدر پاکستان پیپلزبیو رونے اپنے بیان میں کیا انہوںنے کہا بلاول بھٹو زرداری اور آصف علی زرداری کا ملک کی سلامتی کے پیش نظر وطن واپس آنا اور ملک کو درپیش چیلنجر کے پیش نظر 27دسمبر سے تحریک چلا کر حکمرانوں کی لوٹ مار سے عوام کو آگاہ کرنے کے لیے قیادت کرنا خوش آئند ہے جس کو پاکستان پیپلزپارٹی کے کارکنان شانہ بشانہ چلتے ہوئے ہر سطح پر کامیاب بنائیں گے انہوںنے کہا ملک کے تمام لوگ برابر ہیں ،ملک میں بسنے والے عوام کے ساتھ امتیازی سلوک نہیں ہونا چاہیے ن لیگ کی انجمن ستائش باہمی پاکستان کے سترہ کروڑعوام کو بیوقوف نہیں بناسکتے پچھلے چار سال کرپشن کی نذرہوگئے، پاکستان پیپلزپارٹی نے انتخابات اوربدعنوان حکمران ٹولے کے احتساب کی تیاریاں شروع کردیں ملک وقوم کی بجائے فردواحد کے ساتھ وفاداریاں نبھارہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) پیرمحل میں آوارہ کتوں کی بھرمار،، آوارہ کتوں کے کاٹنے سے درجنوں راہگیر بچے بوڑھے خواتین زخمی تحصیل کونسل فی الفور آوارہ کتے تلف کرنے کی مہم شروع کرے سماجی حلقے تفصیل کے مطابق پیرمحل شہر اور گردونواح میں آوارہ کتوں کی بہتات کے باعث آئے روز راہگیر بچے بوڑھے خواتین زخمی ہونے کے واقعات رونما ہورہے ہیں نان تحصیل ہیڈکوآر ٹر انتظامیہ کی طرف سے کتے تلف کرنے کی مہم کا آغاز نہ ہونے کے باعث بلدیہ پیرمحل کے اردگرد آوارہ کتوں کے غول انتظامیہ کی غفلت کا منہ بولتا ثبوت ہے شہریوںنے متعدد بار آوارہ کتوں کی تلفی کے لیے بلدیہ پیرمحل انتظامیہ کو درخواستیں دیں مگر زہر کی عدم دستیابی کے باعث کسی قسم کی کاروائی نہ ہوسکی سماجی فلاحی حلقوںنے ڈی سی اوٹوبہ ٹیک سنگھ ، اسسٹنٹ کمشنر پیرمحل ، ٹی ایم او کمالیہ سے مطالبہ کیا ہے کہ فی الفورآوارہ کتے تلف کرنے کی مہم شروع کی جائے تاکہ آئے روز آوارہ کتوں کے کاٹنے سے راہگیر بچے بوڑھے خواتین زخمی ہونے سے بچ سکیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) برائلر کی افزائش کے لیے مردہ مرغی اور آلائشیں اور خون کا استعمال شہریCocci, H9, اور ND جیسے موذی وائرس کاشکار حکومت انسانی زندگیوں سے کھیلنے والے فیڈ ملزمالکان کے خلاف کاروائی کو یقینی بنائیں تفصیل کے مطابق فیڈ ملز مالکان ناقص اور مہنگی فیڈ فروخت کر رہے ہیں جس کی وجہ سے عوام مہنگا اور غیر معیاری گوشت خریدنے پر مجبور ہیں فیڈ ملز مالکان فیڈ میں مردہ مرغی اور ہر قسم کی غلاظت ڈالتے ہیں جس سے مرغی کی بیماری Cocci, H9, اور ND وغیرہ کا وائرس لگا تار چل رہا ہے جو کہ گوشت کے ذریعے لوگوں کے جسم میںداخل ہو رہا ہے جس سے عوام خطرناک قسم کی مختلف بیماریوں میں مبتلا ہو رہے ہیں محمد اسلم تاج سماجی شخصیت نے مطالبہ کیا کہ متعلقہ حکام اس کا نوٹس لے کر ذمہ داران کو کیفر کردار تک پہنچائیں جو اپنے ذاتی مفاد کی خاطر انسانی زندگیوں سے کھیل رہے ہیں۔

Pir Mahal Honor Party

Pir Mahal Honor Party