پیرمحل (نامہ نگار) تھانہ پیرمحل پولیس کی کاروائی فرزند سرکس کے بیرونی جانب خیموں میں اونچی آواز پر گانے لگا کر ڈانس کروانے پر مقدمہ درج 2افراد گرفتار شہریوں کی طرف سے پولیس کو خراج تحسین تفصیل کے مطابق یوکے گارڈن پیرمحل کے سامنے لگی ہوئی فرزند سرکس کے بیرونی جانب لگے خیمے میں بلند آواز میں لاوڈ سپیکر پر گانے لگاکر تماش بین بے ہودہ گانوں پر خواجہ سراوں سے ڈانس کروا رہے تھے ایس ایچ او تھانہ پیرمحل چوہدری منیر نے پولیس کی بھاری نفری کے ہمراہ چھاپہ مار کر لوگوں کے جذبات مجروع کرتے ہوئے دوافراد کو رنگے ہاتھوں گرفتار کرکے زیر دفعہ6-PSSR ترمیمی آرڈیننس 2015 مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل( نامہ نگار)پولیس کو اطلاع کیے بغیر مکان کرایہ پر دینے پر مالک مکا ن کے خلاف مقدمہ درج تفصیل کے مطابق 693/35گ ب میں عبدالمجید نے اپنا مکان واقع چک 696/38گ ب حاجی محمد اسلم کو مبلغ 8000روپے ماہانہ کرایہ پر دے رکھا ہے اور اسکے متعلق تھانہ اروتی میں کوئی اطلاع یا رجسٹر میں اندراج نہ کروایا ہے جس پر تھانہ اروتی پولیس نے مالک مکان کے خلاف زیر دفعہ 11کرایہ داران عارضی رہائش اآرڈیننس کے تحت مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل( نامہ نگار) بلند آواز سے ٹریکٹر ٹرالی پر ٹیپ ریکارڈ چلانے پر مقدمہ در ج تفصیل کے تھانہ اروتی کے رفاقت علی ASIمعہ ملازمان نے دوران گشت 687/39گ ب ایک ٹریکٹر ٹرالی بلا نمبری جس کو ڈرائیور نور محمد چلا رہا تھا جس نے نہائت بلند اواز میں ٹیپ چلا رکھی تھی جس کو روک کر ملزم سے قبضہ سے ٹیپ ریکارڈ معہ سپیک قبضہ پولیس میں لیکر 6-PSSR ترمیمی آرڈیننس 2015مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل( نامہ نگار) سکولوں کے باہرسیکورٹی کے ناقص انتظامات’ چندسکولوں کے علاوہ کسی سکول میں سیکورٹی گارڈزتعینات نہ ہیں ‘سکول مالکان نے سیکورٹی گارڈزکواسلحہ دینے کی بجائے ڈنڈے تھمادیئے ہم تواپنی حفاظت نہیں کرسکتے ہیں سکول کی حفاظت کیاکریں گے گاڑد کاموقف ڈی سی او سے فوری نوٹس لینے اورکاروائی کا مطالبہ تفصیل کے مطابق تحصیل پیرمحل میں پرائیویٹ سکولوں کے باہرسیکورٹی کے ناقص انتظامات سیکورٹی رسک بن چکے ہیں پیرمحل اور سندھلیانوالی کے سکولوں کی اکثریت میںسرے سے سیکورٹی گارڈزہی تعینات نہ ہیں جبکہ چندسکولوں میں سیکورٹی گارڈزتعینات ہیں مگرسکول مالکان نے انہیں اسلحہ دینے کی بجائے ہاتھوں میں ڈنڈے اور ناکارہ میٹل ڈیکٹیٹر تھمادیئے ہیں سیکورٹی گارڈزنے نام نہ بتانے کی یقین دہانی پربتایا کہ ہمارے پاس نہ تواسلحہ ہے اورنہ ہی ہم ٹریننگ یافتہ ہیں ہم تواپنی حفاظت نہیں کرسکتے ہیں سکول کی حفاظت کیاکریں گے شہریوں نے ڈی سی او ٹوبہ ٹیک سنگھ سے فوری نوٹس لینے اورکاروائی کامطالبہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل( نامہ نگار) مسجدیں اللہ کے گھر ہے جس کو آباد کرنے سے حقیقی خوشی حاصل ہونے سمیت دنیا آخرت سنور جاتی ہے تحصیل پیرمحل کمپلیکس کے لیے اپنی مدد آپ کے تحت مسجد کی تعمیر قابل ستائش ہی نہیں نیکیاں سمیٹنے کے بہترین مواقع بھی ہے ان خیالا ت کا اظہار حافظ محمد نجیب اسسٹنٹ کمشنر پیرمحل نے تحصیل پیرمحل کمپلیکس کی مسجدکا افتتاح کرتے ہوئے کیا انہوںنے کہا جس نے اللہ کے گھر کو آباد کیا اللہ تعالیٰ اس کے لیے رحمت کے دروازے کھول دیتے ہیں جس نے اللہ کے گھر کی تعمیر میں حصہ لیا اللہ تعالیٰ اس کے لیے جنت الفردوس میں اعلیٰ مقام عطافرمائیں گے انہوںنے کہا کہ مسجدیں علم ونور کا منبیٰ اور نیکیوں کی آماجگاہیں ہے جس پر خرچ کرنے سے دولت میں اضافہ ہونے سمیت انسان کی زندگی میں کسی قسم کی کمی نہیں رہتی جب تک مسجد آبادرہتی ہے اس وقت تک نیکیاں ملتی رہتی ہے اس موقع پر چوہدری خالد سردار ، چوہدری محمد سلطان ، چوہدری طارق صدر انجمن تاجران پیرمحل ،چوہدری منظر حفیظ تحصیلدار چوہدری طارق کمبوہ ،چوہدری محمد اسلم ، میاں طاہر ،غلام حسین کاٹھیہ ، محبوب الحق لادی نائب تحصیلدار ، ظہور احمد نوناری ، پروفیسر محمد طارق سمیت سینکڑوں کی تعداد میں مختلف مکتبہ فکر کے لوگوںنے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل( نامہ نگار) پولیس اور پریس کا چولی دامن کا ساتھ ہے جھوٹی او ربے بنیاد اطلاع دے کر جھوٹے مقدمات درج کروانے والوں کے خلاف تادیبی کاروائی کررہے ہیں ٹائوٹ مافیا معاشرے کا ناسور ہے جس کا تھانہ میں داخلہ مکمل بند کردیا ہے ان خیالات کا اظہار چوہدری منیر احمد ایس ایچ اوتھانہ پیرمحل نے صحافیوں رانامحمدا شرف ، راناشاہدالرحمن سے غیر رسمی گفتگومیں کیا انہوںنے کہا عوام کے تھانہ دارالامن ہے انصاف کے حصول کے لیے سائلین کے دروازے بلاامتیاز کھلے ہیں ٹائوٹ ازم اور شفارش کلچر کا خاتمہ کرکے ترجیحی بنیادوں پر انصاف فراہم کررہے ہیں انہوںنے کہا کہ جھوٹی اطلا ع قانون نافذ کرنے والے اداروں اور عوام کے لیے مشکلات پیدا کرتی ہے جس کے قلع قمع کے لیے بروقت کاروائی کرتے ہوئے جھوٹی اور بوگس اطلاع دینے والے عناصر کے خلاف بلاامتیاز کاروائی کررہے ہیں انہوںنے کہا چند ماہ میں ہی تھانہ پیرمحل سے ٹائوٹ مافیا اور جھوٹی او ربوگس درخواستیں دینے والوں کا قلع قمع کرکے قانون شکن عناصر کو قانونی شکنجے میں لائیں گے۔
ایوب زرعی تحقیقاتی ادارہ میں پنجاب بھر سے آئے ہوئے زرعی تحقیقی ماہرین کیلئے تربیتی ورکشاپ
جامعہ بنوریہ عالمیہ میں سہ ماہی امتحانات کا آغاز آج ہفتہ سے ہو گا