پیرمحل (نمائندہ پیرمحل) اسسٹنٹ کمشنر کا گراں فروشوں کے خلاف آپریشن پانچ دکانداروں کو جرمانے تفصیل کے مطابق اسسٹنٹ کمشنر حافظ محمد نجیب نے رمضان بازار میں ناقص اور غیر معیاری فروٹ فروخت کرتے ہوئے پانچ گراں فروشوں جن میں عرفان ولد عبدالغفور ، محمد ارسلان ولد محمد جاوید ، شبیر احمد ولد علی محمد ، شکیل احمد ، محمد رفیق ولد علی محمد کو رنگے ہاتھوں پکڑکر دودوہز ارروپے جرمانہ عائد کردیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) پنجاب حکومت نے عام آدمی کی مشکلات کے پیش نظرسستے رمضان بازاروں کا انعقاد کیا ہے تاکہ ماہ مقدس کے دوران کم قوت خرید والے افراد سستی اشیائے خوردونوش خرید کر ماہ مبارک کی نعمتوں سے لطف اندوز ہوں رمضان بازار غریب اور متوسط طبقے کے لیے سوغات کی مانند ہے مگر اس کو فعال کرنا وقت کی اہم ضرورت ہے ان خیالات کا اظہار اسسٹنٹ کمشنرحافظ محمدنجیب نے سستے رمضان بازار کے انعقاد کے سلسلہ میں صحافیوں سے گفتگو کرتے ہوئے کیا ۔انہوں نے کہا رمضان المبارک میں عوام کو ارزاں نرخوں پر معیاری اشیاء کی فراہمی یقینی بنائیں گے ذخیرہ اندوز ملک وقوم کے دشمن جن کے عزائم کو ناکام بنانے کے لیے قانونی کاروائی کا آغا زکردیا ہے جس میں کسی قسم کی رورعایت نہ رکھی جائے گی وزیراعلیٰ پنجاب کے حکم پر ڈی سی اوٹوبہ ٹیک سنگھ کی ہدایات پر تحصیل بھر میں معیاری اور ارزاں نرخوں پر اشیائے خورد نوش کی فراہمی کے لیے ریلیف فراہم کریں گے فلورملزمالکا ن کو آٹے کی سپلائی میں وزن معیار پر کسی صورت سمجھوتہ نہیں ہونے دیں گے عام بازاروں میں شہریوں کو اشیائے خوردنوش کی مجوزہ ریٹس پر فراہمی پر سختی سے عملدرآمد کروارہے ہیں تاکہ صارفین کو رمضان المبار ک میں زیادہ سے زیادہ ریلیف مل سکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) ضلع بھر کے رمضان بازاروں کے ساتھ ساتھ عام بازاروں میں بھی اشیائے صرف کی قیمتوں کو بڑھنے نہیں دیا جائے گا اور قیمتوں کو مستحکم رکھا جائے گا ماہ رمضان کے بعد بھی اشیاء کی مقررہ نرخوں پر فراہمی کو یقینی بنانے کے لئے چیکنگ ا ور چھاپوں کا سلسلہ جاری رہے گا ان خیالات کا اظہار ڈی سی اوٹوبہ ٹیک سنگھ وقاص عالم نے ہمراہ اسسٹنٹ کمشنر پیرمحل حافظ محمد نجیب رمضان بازار پیرمحل کے دورہ کے دوران کے رمضان بازار کے معائنہ کے دوران تحصیل انتظامیہ کو ہدایات دیتے ہوئے کیا وقاص عالم ڈی سی اوٹوبہ ٹیک سنگھ نے رمضان بازار میں فروخت ہونے والی اشیاء اور عام مارکیٹ میں فروخت ہونے والی اشیاء کا تقابلی جائزہ لیا۔انہوں نے آٹا کے سٹال پر موجود آٹاکے معیار اور وزن کا موازنہ کرتے ہوئے کہا اشیائے صرف کے معیار پر کوئی سمجھوتہ نہیں کیا جائے گاانہوں نے ہدایت کی کہ عام بازاروں میں بھی اشیائے صرف کی قیمتوں کے نرخ نمایاں جگہوں پر آویزاں کروائے جائیں تاکہ صارفین کو خریداری کے وقت کسی دشواری کا سامنا نہ ہو براہ راست رمضان بازاروں کی نگرانی کی جائے تاکہ عام اور غریب آدمی کو سستے داموں اشیاء مل سکیںانہوں نے رمضان بازار میں مختلف سٹالز کا معائنہ کیا اور صارفین سے اشیاء کی قیمتوں اور کوالٹی کے بارے میں استفسار کیااس موقع پر ان کے ہمراہ تحصیلدار منظر حفیظ ، حاجی منیر احمد ،طارق کمبوہ چیف آفیسر ، سجاد احمد انسپکٹر بھی موجودتھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) دوکس مسلح موٹرسائیکل سواروں کی بی ایس سی کی طالبہ کو اسلحہ کی نوک پر اغواکرکے لے جانے کی کوشش مزاحمت پر تشددکرکے کپڑے پھاڑڈالے مقدمہ درج تفصیل کے مطابق چک نمبر741گ ب کے رہائشی بشیر احمد ولد چراغ دین کی بیٹی ثوبیہ بشیر جوکہ بی ایس سی کی طالبہ ہے کو موٹرسائیکل سوار محمد اسلم ولد عبدالرحمن ، واصف علی ولد نور احمد ساکنان چک741گ ب نے اسلحہ کی نوک پر اغواکرنے کی کوشش کی مزاحمت پر تشددکرتے ہوئے کپڑے پھاڑڈالے پولیس نے زیر دفعہ 354/341ت پ کے تحت دونوںملزمان کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) نامعلوم چور گھر کے باہر سے موٹرسائیکل چوری کرکے لے گئے تفصیل کے مطابق چک نمبر 700گ ب کے رہائشی عبدالخلیل ولدحکم دین نے اپنے گھر کے باہر موٹرسائیکل نمبرTSK-4600ماڈل2014کھڑی کی جس کو نامعلوم چور چوری کرکے لے گئے پولیس نے نامعلوم چوروںکے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) لڑائی اور سڑک کے حادثہ میں خاتون سمیت 6افراد شدید زخمی تفصیل کے مطابق لڑائی کے مختلف واقعات جس میں سی پلاٹ کے رہائشی محمد آصف سعید ولد محمد سعید کو گھریلو تنازعہ پر سالے عمران نے تشددکرکے زخمی کرڈالا چک نمبر717گ ب کے رہائشی ظہور احمد ولد لشکر علی کو عابد حسین ولد نیک محمد نے تشددکرکے زخمی کرڈالا چک نمبر721گ ب میں دیوار کے تنازعہ پر علی شان ،ساجد پسران محمد فاضل زخمی ہوگئے سڑک کے حادثہ طارق ولد عمرحیات ، کلثوم زوجہ عمرحیات زخمی ہوگئے زخمیوں کو سول ہسپتال میں طبی امد اد دی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) قتل کے اشتہاری کو پناہ دینے پر مقدمہ درج تفصیل کے مطابق پولیس کو مطلوب قتل کا اشتہاری ملزم خالد ولد اللہ یار ساکن چک نمبر734گ ب کو اپنی بیٹھک میں پناہ دینے پر اور فرارکروانے پر پولیس نے محسن رضا ولد قلب علی ساکن چک734گ ب کے خلاف زیر دفعہ 216ت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) تاش پر جوا کھیلتے ہوئے جواء مالک سمیت 8افراد گرفتار مقدمہ درج فرارکی کوشش پر دیوار پھلانگتے ہوئے ایک شخص زخمی تفصیل کے مطابق سب انسپکٹر علمدار حسین نے مخبر کی اطلاع پر چک نمبر319گ ب میں عبدالحمید ولد علی محمد آرائیں کے اڈا پر چھاپہ مارکرجواکھیلتے ہوئے نعیم رفیع ولد فقیر محمد ، آصف ولد شمیر ، طاہر جاوید ولد منیر احمد ، عبدالحمید ولد علی محمد ، نعیم اقبال ولد نوراحمد ، عبدالحمید ولد علی محمد ، عامر عباس ولد عبدالعزیز ، خورشید ولد جامو موقع سے گرفتار کرلیے جبکہ نعیم فاروق ولد عبدالحمید دیوار پھلانگ کر فرارہوتے ہوئے گر کر زخمی ہوگیا پولیس نے 5قمار بازی ایکٹ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) گیس ری فلنگ کرتے ہوئے دکاند ارگرفتار گیس سلنڈر اور ری فلنگ برآمد مقدمہ درج تفصیل کے مطابق غوثیہ آباد پیرمحل کے رہائشی حماد شوکت ولد شوکت علی نے سبزمنڈی روڈ پر چناب فلنگ کے نام سے گیس سلنڈر کی دکان بنارکھی ہے گیس ری فلنگ کرتے ہوئے علمدار حسین سب انسپکٹر نے چھاپہ مارکر رنگے ہاتھوں دکاندا رکو گیس ری فلنگ کرتے ہوئے ری فلنگ مشین اور گیس سلنڈر سمیت پکڑکر زیر دفعہ 285/286ت پ مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) نامعلوم چور دکان کی چھت میں نقب لگاکر ہزاروں روپے مالیت کے موبائل فون کارڈ اور نقدی چوری کرکے لے گئے نامعلوم چوروں کے خلاف مقدمہ درج تفصیل کے مطابق چک نمبر320گ ب کے رہائشی علی جاوید ولد غلام رسول نے کریانہ کی دکان بنارکھی ہیں رات کے وقت نامعلوم چوروںنے دکان میں نقب لگاکر موبائل فون کارڈ ، نوکیاموبائل کل رقم 82ہزار روپے چوری کرکے لے گئے چوکی پولیس نے نامعلوم چوروں کے خلاف 457/380ت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) لڑائی کے مختلف واقعات میں پانچ افراد شدید زخمی تفصیل کے مطابق کوٹ پٹھانہ میں زمین کے تنازعہ پر ڈنڈوں سوٹوں کے آزادانہ تصادم میں خضرحیات ولد محمد حنیف ،محمد مقبول ولد نذیر احمد زخمی ہوگئے پرانی رنجش کے تنازعہ پر دائود وغیرہ پانچ کس افراد نے حملہ کرکے اختر علی ولد محمد بابو ، قمر زمان ولد اختر علی زخمی ہوگئے چک نمبر 674/15گ ب کے رہائشی عبدالمجید ولد محمد اسحق کو فصل کماد میں مویشی داخل کرنے سے روکنے پر عمران نے تشددکرکے زخمی کرڈالا سڑک کے حادثہ میں محمد سلیم ولد برکت علی ساکن رجانہ زخمی ہوگیا زخمیوں کو سول ہسپتال میں طبی امد ا ددی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) رمضان المبارک رحمتوں برکتوں کا مہینہ جس میںرحمتوں کی برکھا ماہ صیام ہم پر سایہ فگن ہے اس رحمتوں بھرے مہینے کا پہلا عشرہ رحمت دوسرا مغفرت اور تیسرا عشرہ جہنم سے نجات ہے جس میں اللہ کی مقدس کتاب قرآن مجید فرقان حمید قلب اطہر مصطفی ۖ پر نازل ہوئی اس ماہ صیام کی برکتوں کافیض دیکھئے کہ جہاں مسلمان دن میں روزہ رکھ کر اللہ کے حکم کو بجالاتے ہیں وہیں رات میں قیام کر کے تراویح میں تلاوت قرآن کے ذریعے اللہ کی رحمتوں کو لوٹتے ہیں اور ان عظمت والی ساعتوں میں ہم جہاں اللہ کی رحمتوںکو لوٹ رہے ہیں وہیں ہم پر ذمہ داری عائد ہوتی ہے کہ نظام مصطفی ۖ کے نفاذ کا عزم بھی کریںتاکہ جس مقدس عظیم کے لئے یہ خطہ زمین حاصل کیا گیا تھا وہ پورا ہو سکے ان خیالات کا اظہار مولانا حافظ محمد عبداللہ چشتی ضلعی ناظم اعلیٰ جماعت اہلسنت پاکستان عالمی خطیب نے دارالعلوم صاحب لولاک پیرمحل میں رمضان محفل کے شرکاء سے خطاب میں انہوںنے کہا اس ماہ مقدس میں اپنے معاملات کو اللہ اور اس کے رسول ۖ کی خوشنودی میں مصروف کردیں رمضان کی رحمتوں کو لوٹنے کیلئے ذوق و شوق کے ساتھ عبادت کریںانہوں نے رمضان المبارک کی کھلے عام توہین پر شدید درعمل کا اظہار کرتے ہوئے کہا کہ رحمتوں برکتوںاور مغفرت کا مہینہ رمضان المبارک مسلمانوں کیلئے اللہ رب عالمین کاعظیم انعام ہے جس کی ہر ساعت رحمتوں کی برسات ہورہی ہوتی ہے لیکن افسوس اس رحمتوں والے مہینہ میں روزہ کے دوران ہوٹلوں ،پان سگریٹ کے کیبین اور کھانے پینے کے اسٹال رمضان ایکٹ کی خلاف وزری کررہے ہیں ڈی سی اوٹوبہ ٹیک سنگھ کو احترام رمضان کے پیش نظر رمضان ایکٹ پر عملدرآمد کروانا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نمائندہ پیرمحل ) انتظامیہ کی غفلت یا لاپرواہی بھکاری ایکٹ 2015غیر موثر ،ماہ رمضان المبارک میں بھکاریوں کے گروہوں کی شہر پر یلغار خدااور رسول کے واسطے دے کر شہریوں کو لوٹنے کا دھندہ عروج پر شہری تاجر سخت پریشان تفصیل کے مطابق پیرمحل شہر میں رمضان المبارک کی آمد کے ساتھ ہی نامعلوم مقام سے آئے ہوئے بھکاریوں کے گروہ جس میں بوڑھی عورتیں اندھے نابینا مرد وں کے ہاتھ تھامے خوبرو دوشیزائیں اپنی بے بسی کارونا روتے ہوئے زکوة فطرانہ خیرات مانگنے کے بہانے شہریوں کوسرعام لوٹ رہے ہیں جبکہ یہ منظم گروہ جس میں چالیس سے پچاس مرد خواتین شامل ہوتی ہے ایک دن میں دوسے تین شہر وں میں اپنا دھندہ کرکے جگہ اپنے پیچھے آنے والے گروہ کے لیے خالی کرکے چلے جاتے ہے جبکہ ان گروہوں کے خلاف بھکاری ایکٹ 2015کوئی بھی سرکاری ادارہ کاروائی کرنے کے لیے تیار نہ ہونے کے باعث عوام کو لوٹنے کا سرعام دھندہ جارہی ہے سماجی فلاحی حلقوںنے ڈی پی اوٹوبہ ٹیک سنگھ ، ڈی سی اوٹوبہ ٹیک سنگھ سے اپیل کی کہ فی الفور بھکاریوں کے اس منظم نیٹ ورک کو توڑتے ہوئے کاروائی کی جائے کیونکہ تاجراور دکاندار جوکہ پہلے ہی مہنگائی کا شکار ہے خدا اور رسول کے واسطے کے باعث مہینے بھر کا منافع ایک دن میں اس گروہ کے ہاتھ دینے پر مجبور ہے
مقتدر جماعتوں نے ملک وقوم کی حالت بگاڑ دی ہے’ ایم آر پی
کالا باغ ڈیم تعمیر کئے بغیر لوڈشیڈنگ کا خاتمہ ممکن نہیں۔ زبیر احمد