ممبئی (جیوڈیسک) سچن ٹنڈولکر نے ماضی کی مشکلات کا ذکر کرتے ہوئے بتایا ہے کہ ایک زمانے میں انڈر 15 میچ کھیلنے کے بعد پونے سے ممبئی واپسی پر میری جیب میں گھر جانے کیلیے ٹیکسی کا کرایہ تک نہیں تھا۔
بھارت کے لیجنڈ بلے باز اور آئی پی ایل میں ممبئی انڈینز کے مینٹور سچن ٹنڈولکر نے اپنے ماضی کا تذکرہ کرتے ہوئے بتایا کہ جب اندڑ 15 کرکٹ کھیل رہا تھا تو ایک مرتبہ پونے سے ممبئی جانے کے لئے میں دادر ریلوے اسٹیشن اترا، میرے پاس 2 بیگز بھی تھے لیکن اسٹیشن سے گھر جانے کے لئے ٹیکسی کا کرایہ نہیں تھا، جب مدد کی کوئی امید نظر نہ آئی تو مجھے اسٹیشن سے گھر تک پیدل سفر کرنا پڑا۔
واضح رہے کہ لٹل ماسٹر کا خطاب پانے والے سابق بھارتی کپتان سچن ٹنڈولکرکو ٹیسٹ کرکٹ میں سب سے زیادہ سنچریاں اور رنز بنانے کا اعزاز حاصل ہے اور انھوں نے 2013 میں کرکٹ کو خیرباد کہہ دیا تھا۔
ڈیرن سیمی کو اعزازی شہریت کی پیشکش والا پرویز خٹک کا ٹویٹر اکاؤنٹ جعلی نکلا
پی سی بی کو مدثر پر نظر کرم کرنا یاد رہا، اشتہار دینا بھول گئے