اسلام آباد (جیوڈیسک) وزیراعظم نواز شریف اور آرمی چیف جنرل راحیل شریف کے درمیان ون آن ون ملاقات ہوئی جس میں ملکی سلامتی سے متعلق امور پر تبادلہ خیال کیا گیا۔
وزیراعظم نواز شریف اور سربراہ پاک فوج جنرل راحیل شریف کے درمیان ون آن ون ملاقات ہوئی جس میں ملکی سلامتی سمیت خطے میں امن و امان کی صورتحال سے متعلق تبادلہ خیال کیا گیا۔
اس موقع پر دہشت گردوں کے خلاف جاری آپریشن ضرب عضب پر بھی بات چیت ہوئی جس میں حاصل ہونے والی کامیابیوں پراطمینان کا اظہار کیا گیا۔
اس سے قبل وزیراعظم کی زیرصدارت اعلی سطح کا اجلاس ہوا جس میں وزیراعظم کے مشیربرائے قومی سلامتی امور لیفٹیننٹ جنرل (ر) ناصرخان جنجوعہ نے بنکاک میں اپنے بھارتی ہم منصب سے ہونے والی ملاقات سے متعلق بریفنگ دی۔ اس موقع پر عسکری قیادت بھی شریک تھی۔
نئے ٹیکسوں اور پی آئی اے کی نجکاری کیخلاف اپوزیشن کا قومی اسمبلی سے واک آؤٹ
لاہور: صدر ممنون حسین کو نااہل قرار دلوانے کی درخواست کی سماعت