اسلام آباد (جیوڈیسک) وزیراعظم نوازشریف آج شام 7 بجے قوم سے خطاب کریں گے جس میں انتخابی دھاندلی سے متعلق سامنے آنے والی جوڈیشل کمیشن کی رپورٹ کے حوالے سے قوم کو اعتماد میں لیں گے۔
جوڈیشل کمیشن کی انتخابات میں دھاندلی سے متعلق رپورٹ وزیراعظم آفس کو موصول ہوگئی جس پرقانونی ماہرین سے مشاورت کے لئے وزیراعظم نے اہم اجلاس طلب کیا جس میں بیرسٹر ظفر اللہ، اٹارنی جنرل سلمان اسلم بٹ اورمعاون خصوصی امورقانون اوشتراوصاف سمیت دیگر نے شرکت کی۔
اس موقع پر قانونی ماہرین کی جانب سے وزیراعظم کو جوڈیشل کمیشن کی رپورٹ پر بریفنگ دی گئی اورجوڈیشل کمیشن کی رپورٹ میں اٹھائے گئے آئینی اورقانونی پہلوؤں پرغورکیا گیا۔
ذرائع کا کہنا ہے کہ جوڈیشل کمیشن کی رپورٹ وزارت قانون کی ویب سائٹ پر عام کی جائے گی جب کہ اس حوالے سے وزیراعظم نواز شریف آج شام 7 بجے قوم سے خطاب بھی کریں گے جس میں قوم کو جوڈیشل کمیشن کی انتخابی دھاندلی سے متعلق رپورٹ پر اعتماد میں لیں گے۔
واضح رہے کہ وزارت قانون کے ایک اہلکارنے گزشتہ روز دعویٰ کیا تھا کہ 2013 کے عام انتخابات میں مبینہ دھاندلی کی تحقیقات کرنے والے عدالتی کمیشن نے تحریک انصاف کے دھاندلی سے متعلق تمام الزامات مسترد کردیے ہیں اوراس حوالے سے 300 صفحات پر مشتمل رپورٹ جاری کردی جس میں کہا گیا ہے کہ انتخابات میں بدانتظامی تو ضرور ہوئی ہے لیکن اسے منظم دھاندلی قرار نہیں دیا جاسکتا۔
لاہور میں قتل کے 2 مجرموں کے ڈیتھ وارنٹ جاری
جرائم میں ملوث اہلکاروں کے خلاف سندھ پولیس کی رپورٹ غیرتسلی بخش قرار