لاہور (جیوڈیسک) پاکستان سپر لیگ کے دوسرے ایڈیشن کے لیے ڈرافٹنگ آج دبئی میں ہوگی ، تقریب میں سٹار کرکٹرز کے علاوہ فرنچائزز کے مالکان اور پی ایس ایل چئیرمین نجم سیٹھی شرکت کریں گے۔
پی ایس ایل ٹو دھوم مچانے کو ہے تیار ، ڈرافٹنگ کے لیے تیاریاں مکمل ، دبئی سپورٹس سٹی میں شام پانچ بجے تقریب سجے گی ۔ پہلے ایڈیشن کی شاندار کامیابی کے بعد دوسرے ایڈیشن میں کئی نئے سٹارز بھی جگمگائیں گے ۔ ڈرافٹ لسٹ میں چار سو چودہ کھلاڑیوں کو پانچ کیٹیگریز میں تقسیم کیا گیا ہے ۔ پلاٹینم کیٹیگری میں شامل 28 کرکٹرز میں مصباح الحق ، شاہد آفریدی اور شعیب ملک نمایاں ہیں۔
برینڈن میکولم ، شین واٹسن ، کرس گیل ، شکیب الحسن اور کیون پیٹرسن بھی پلاٹینیم کیٹیگری کا حصہ ہیں ۔ ڈائمنڈ کیٹگری کے 33 کھلاڑیوں میں محمد عامر ، یاسر شاہ ، محمد عامر ، بریڈ ہیڈن ، تلکرتنے دلشان اور جیسن ہولڈر شامل ہیں ۔ اظہر علی ، اسد شفیق بابر اعظم اور سلمان بٹ سمیت چوہتر کرکٹرز گولڈ کیٹیگری میں فروخت ہونگے ۔ سلور کیٹیگری میں 255 اور ایمرجنگ کیٹیگری میں 24 کرکٹرز خریدار کے منتظر ہونگے۔
کپتان کو پاسپورٹ نہ ملا، ہاکی ٹیم کپتان کے بغیر ہی ملائیشیا پہنچ گئی
اداکار، گلوکار علی ظفر ،ہدایتکار احسن رحیم کی فلم میں کاسٹ