لاہور (جیوڈیسک) پنجاب اسمبلی میں تحریک انصاف نے الطاف حسین کے خلاف قرارداد جمع کرا دی ، قرارداد کے متن میں وفاقی حکومت سے الطاف حسین کو انٹرپول کے ذریعے گرفتار کرنے اور پاکستان لاکر مقدمات کے ٹرائل کا مطالبہ بھی شامل ہے۔
پنجاب اسمبلی میں اپوزیشن لیڈر میاں محمود الرشید اور ڈپٹی اپوزیشن لیڈر سبطین خان کی طرف سے جمع کرائی جانے والی قرارداد میں مطالبہ کیا گیا ہے کہ پنجاب اسمبلی کا ایوان ملک سے دہشت گردی کے خاتمے کے لئے پاک افواج اور رینجرز کی قربانیوں کو خراج تحسین پیش کرتا ہے اور ایم کیو ایم کے قائد الطاف حسین کی جانب سے پاک فوج اور رینجرز کے خلاف نفرت آمیز ، اشتعال انگیز تقاریر اور ان اداروں پر کی جائے والی تنقید کی بھرپور مذمت کرتا ہے۔
قرار داد میں وفاقی حکومت سے مطالبہ کیا گیا کہ الطاف حسین کو انٹرپول کے ذریعے گرفتار کر کے پاکستان لایا جائے اور آئین وقانون کے مطابق ان کے خلاف درج مقدمات میں ان کا ٹرائل کر کے سخت سزا دی جائے۔
خیبرایجنسی میں دہشت گردوں کے خلاف کارروائی مکمل کر لی گئی ہے، ترجمان پاک فوج
پاک فوج نے سلوینیا کے کوہ پیما کو قراقرم سے ریسکیو کر لیا، سکردو منتقل