فیصل آباد (سٹی رپورٹر) سابق سٹی صدر پی وائے او، امید وار پی پی 68 میاں سہیل یوسف نے کہا ہے کہ سابق صدر پاکستان و پی پی پی پارلیمنٹرینز کے سربراہ آصف علی زرداری کے خلاف عمران خان کی ہرزہ سرائی پر اپنے ردعمل میں کہا ہے کہ آصف علی زرداری کو مک مکا کرنا ہوتا تو گیارہ سال جیل نہیں کاٹتے، آخری ریفرنس میں بری ہونے سے آصف زرداری کی بے گناہی ثابت ہو چکی ہے۔انہوں نے کہا کہ آصف علی زرداری نے عوام اور جمہوریت کی خاطر اپنی جوانی قید و بند کی صعوبتیں برداشت کرنے میں گذار دی، جبکہ عمران خان ایک دن بھی جیل میں گذار نہیں سکتا۔ انہوں نے کہا کہ آصف علی زرداری تاریخ کے طالب علم ہیں اور عمران جیسے ٹیسٹ ٹیوب سیاسی اداکار سے ان کا کوئی مقابلہ نہیں۔ انہوں نے مزید کہا کہ بلاول بھٹو زرداری کی قیادت اور آصف زرداری کی دوراندیش سوچ ملک میں معاشی انقلاب لائے گی۔ انہوں نے کہا کہ عوام کو معلوم ہے کہ پی ٹی آئی درحقیقت آئی جے آئی پارٹ ٹو ہے، 2018 کے انتخابات کے بعد آئی جے آئی پارٹ ٹو بھی اختتام پزیر ہوگا، نواز شریف اور عمران خان قصہ پارینہ بننے جا رہے ہیں۔ انہوں نے کہا کہ پیپلز پارٹی آئینی و انتظامی اداروں اور جمہوریت کی مضبوطی کی جنگ لڑ رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ (ن) کی حکومت عوام کو مایوس نہیں کرے گی،عمران کینتھ
این اے120(ن) لیگ کا قلعہ ،عوام کی حمایت سے بھاری اکثریت سے جیتیں گے
فیصل آبا د (سٹی رپو رٹر)ممبر پنجا ب کو نسل ضلعی نا ئب صدر پا کستان مسلم لیگ (ن)چو ہد ری محمد عمران کینتھ نے کہا ہے کہ این اے 120مسلم لیگ (ن) کا قلعہ ہے ،عوام کی حمایت سے بھاری اکثریت سے کامیابی حاصل کریں گے ،انتخابی مہم میں عوام کی طرف سے بھرپو ر پذیرائی مل رہی ہے، مسلم لیگ (ن) کی حکومت عوام کو مایوس نہیں کرے گی ۔انہوں نے کہاکہ این اے 120(ن)لیگ کا گڑھ ہے اور ضمنی انتخاب میں عوام کی حمایت سے بھاری اکثریت سے کامیابی حاصل کریں گے۔ انہوں نے کہا کہ عوام کی طرف سے بھرپو رپذیرائی مل رہی ہے ۔ مسلم لیگ (ن) کی حکومت عوام کو مایوس نہیں کرے گی ۔ ترقی کا سفر جاری رکھیں گے اور اس راہ میں آنے والی رکاوٹوں کا ڈٹ کر مقابلہ کیا جائے گا۔
کوٹلہ ارب علی خان کی خبریں 5/9/2017
بدین کی خبریں 6/9/2017