گناہ گارِ وفا ہیں سزا بحال رہے

Posted on May 26, 2018 By Majid Khan آپکی شاعری, شاعری

گناہ گارِ وفا ہیں سزا بحال رہے
سفر کٹھن ہے بڑا حوصلہ بحال رہے
یہ وحشتوں کا حسیں مشغلہ بحال رہے
زمانے تجھ کو ہے جو ناگوار صدیوں سے
میرے سخن کا وہی ذائقہ بحال رہے
بغاوتوں کے یہ موسم دہائی دیتے ہیں
لہو سے تیغ کا ہر سلسلہ بحال رہے
ہزار زخم ہوں اِس میں مگر تمنا ہے
صلیب و دار کا رستہ یہی بحال رہے
یہ بے گناہی کا الزام سہ نہ پائیں گے
گناہ گارِ وفا ہیں سزا بحال رہے

ساحل منیر