ملکہ کی خبریں 16/4/2016

Malika

Malika

ملکہ (زاہد مصطفی اعوان) سابق چیئرمین یونین کونسل گلیانہ ملک غلام حیدر اعوان کی والدہ محترمہ قضائے الہی سے وفات پا گئیں نماز جنازہ آج صبع 10 بجے ملکہ قبرستان میں ادا کی جائے گی ۔تفصیل کے مطابق ملکہ کی سیاسی شخصیت اور سابق چیئرمین یو نین کونسل گلیانہ ملک غلام حیدر اعوان کی والدہ محترمہ قضائے الہی سے وفات پا گئیں ہیں ،مرحومہ کی نماز جنازہ آج صبع بروز اتوار 10 بجے ملکہ قبرستان میں ادا کی جائے گی ۔یو سی ملکہ ۔یو سی گلیانہ ۔یو سی ڈوگہ اور یو سی بھگوال سمیت تمام سیاسی و سماجی اور مذہبی شخصیات نے ملک غلام حیدر سے تعزیت کا اظہار کیا ہے ۔نماز جنازہ میں بھی سیکڑوں افراد کی شرکت متوقع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملکہ (زاہد مصطفی اعوان) نواحی موضع پلاوڑی کی معروف سیاسی و سماجی شخصیت چوہدری محمد انصر نجی دورہ پاکستان کے بعد واپس سعودی عرب روانہ ہو گئے ہیں ۔چوہدری محمد انصر نے اپنے دورہ کے دوران پاکستان مسلم لیگ ن کی مقامی قیادت سے ملاقاتیں بھی کیں ۔اور انہیں سعودی عرب کے شہر تیماء کے مکینوں کے مسائل اور مشکلات سے بھی آگاہ کیا ۔ ملک غلام مصطفی اعوان ۔ملک محسن ضیاء اعوان ،عمر فاروق اعوان ۔زاہد مصطفی اعوان ،طارق مصطفی اعوان ۔ملک ثناء اللہ اعوان ۔اور چوہدری سکندر نے چوہدری محمد انصر کو الوداع کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ (زاہد مصطفی اعوان) گلیانہ اور گردو نواح میں گندم کی کٹائی کا کام شروع ہو گیا ۔تفصیل کے مطابق گلیانہ ،ملکہ ،بھگوال ،ڈوگہ ،ٹھوٹھہ رائے بہادر اور دوسری یو نین کونسلز میں گندم کی فصل پکنے کے بعد کسانوں نے کٹائی کا کام شروع کر دیا ہے ۔سخت گرمی کا بھی موسم شروع ہو گیا ہے لیکن کاشتکار وں نے اگلے سال کے لئے گندم کا ذخیرہ کرنے کے لئے اپنی فصلوں کی کٹائی شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبرملکہ (زاہد مصطفی اعوان) وزیر اطلاعات سینٹر پرویز رشید نے بھمبر میں پاسپورٹ آفس کا افتتاح کردیا ۔ ضلع کچہری میں کسٹوڈین بلڈنگ میں قائم فیتہ کاٹ کر اور تختی کی نقاب کشائی کرکے دفتر کا افتتاح کیا اس موقع جب وہ ایم این اے چوہدری عابد رضا اور ڈپٹی اپوزیشن لیڈر چوہدری طارق فاروق کے ہمراہ جب افتتاح کے لیے ضلع کچہری پہنچ تو مسلم لیگ ن کے ضلعی صدر راجہ مقصود احمد خان ، چوہدری جمیل سلطان، چوہدری اشتیاق محمود، انجنیئر رضوان انور، چوہدری تصدق ٹیپو، مرزا اجمل جرال، راجہ عبید ، کمانڈر مسعود ، حافظ اظہر ، چوہدری ظہیر الدین بابر، چوہدری آفتا ب کوہل، راجہ اظہر اقبال، راجہ راشد عظیم ، چوہدری وحید الرحمان گورسیاں ، چوہدری عرفان الحسن جبی ، چوہدری ہارون ، حاجی ظفر ، چوہدری عتیق برسالوی ، چوہدری شوکت ، تھیکیدار صفدر ، چوہدری سرور کوہل ، چوہدری عارف سرفراز ، چوہدری ظفر اقبال، چوہدری طارق جاوید، حاجی مصطفی ، شوکت بھٹی ، عامر رسول بٹ، راشد رشید ایڈووکیٹ کی قیادت میں ن لیگ کی یوتھ ونگ اور ضلعی انتظامیہ کے افیسران نے ان کا استقبال کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھمبرملکہ (زاہد مصطفی اعوان) وفاقی وزیر اطلاعات و نشریات سنیٹر پرویز رشید نے کہا ہے کہ 11جنوری کو بھمبر میں ن لیگ کے جلسہ میں چوہدری طارق فاروق نے بھمبر میں پاسپورٹ آفس کے قیام کا مطالبہ کیا اس پر بھمبر میں پاسپورٹ آفس کے قیام کی منظوری وزیر داخلہ چوہدری نثار علی خان نے دی اور آج ہم نے اس کا افتتاح کردیا وزیر اعظم میاں نواز شریف نے چوہدری طارق فاروق کے تمام مطالبات منظور کرلیے ہیں ان کے مطالبہ پر یونیورسٹی اور پختہ پل بنائے جائیں گے بھمبر کے عوام جب چوہدری طارق فاروق کو منتخب کرائیں گے تو میں بھی شکریہ ادا کروںگا پاکستان میں مسلم لیگ ن کی حکومت بنے 3 سال کا عرصہ گزر گیا اس عرصہ میں ریکارڈ ترقیاتی کام کرائے گئے اس ترقی کے سفر کو روکنے کی کوشش کی جارہی ہے 90 اور 97 میں 5سال کے لیے میاں نواز شریف کو منتخب کیا گیا لیکن ان کو مد ت پوری نہیں کرنے دی گئی لیکن آزاد خطہ میں میاں نواز شریف نے عوام کی رائے کا احترام کیا اور اپنے ساتھیوں کو عدم اعتماد کرنے سے روک دیا ۔ثابت کیا کہ وہ اصولوں کی سیاست کرتے بااصول سیاستدان ہیں پاکستان کو عالمی دنیا میں ایک باوقار ایٹمی طاقت بنایا دنیا پاکستان کو قدر کی نگاہ سے دیکھتی ہے لیکن پاکستان میں وہ کون لوگ ہیں جو کے ملک کے وزیر اعظم کو کبھی قاتل اور کبھی ہائی جیکر کہتے ہیں یہ لوگ پاکستان کی ترقی کے دشمن ہیں اب ایک نیا الزام لگا دیا گیا جو صاحب الزام لگارہے ہیں وہ لندن میں موجود ہیں اور کہہ کر گئے ہیں کہ وہ کسی کیس کے لیے جارہے ہیں حالانکہ وہ گولڈ سمتھ کی مہم چلانے کے لیے گئے ہیں برطانیہ لندن میئر کے انتخاب میں سچائی اور دولت کے درمیان مقابلہ ہے مسلم لیگ پاکستان کے بیٹے صادق جبکہ عمران خان دولت مند غیر ملکی کے ساتھ کھڑے ہو کر غیر پاکستانی کے لیے ووٹ مانگ رہے ہیں اور پاکستانی کی مخالفت کررہے ہیں وہ پاکستان کے بیٹے کو کامیاب کرانے کا اعلان کریں اگر نہیں تو پھر پاکستانیوں سے اپنے لیئے ووٹ بھی نہ مانگیں میاں نوازشریف کا طبی معائنہ کیا گیا ہے وہ چند دنوں میں پاکستان واپس تشریف لائیں گے اور پھر تمام افواہیں اور جھوٹ بے نقاب ہوجائیں گے ان خیالات کا اظہار وزیر اطلاعات پرویز رشید نے ضلع کچہری میں پاسپورٹ آفس کے افتتاح کی تقریب سے بطور مہمان خصوصی خطاب کرتے ہوئے کیا جس کی صدارت ضلعی صدر مسلم لیگ ن راجہ مقصود احمد خان سابق ایم ایل اے نے کی ۔ پرویز رشید نے کہا کہ میاں نوازشریف جب بھی ملک کو ترقی کی راہ پر گامزن کرنے کی کوشش کرتے ہیں تو ان کا راستہ روکنے کی سازش کی جاتی ہے جس سے ملک کو نقصان ہو رہا ہے تقریب سے ضلعی صدر راجہ مقصود احمد خان، راجہ خوشنوداعظم، راجہ اسحاق خان پنجیڑی ، کرنل (ر) وقار نور، راجہ رزاق خان اور چوہدری افتخار عظیمی نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ملکہ (زاہد مصطفی اعوان) بھمبر میں پاسپورٹ آفس کا قیام ۔یو سی ٹھوٹھہ رائے بہادر ۔یو سی ملکہ ۔یوسی کوٹلہ ۔اور حلقہ این اے 107کے عوام بھی مستفید ہوں گے ۔ یہ بات ایم این اے چوہدری عابد رضا کوٹلہ نے بھمبر میں میڈیا سے گفتگو کرتے ہوئے کہی ۔ مسلم لیگ ن پنجاب کے مرکزی راہنما سالار قافلہ چوہدری عابد رضا ایم این اے نے مذید کہا کہ بھمبر میں پاسپورٹ آفس کا قیام چوہدری طارق فاروق اور مسلم لیگ ن کی وفاقی حکومت کا کارنامہ ہے پاسپورٹ آفس کی سہولت آج سے 10سال قبل بھمبر کے عوام کو ملنی چاہیے تھی چوہدر ی طارق فاروق نے ہمیشہ بھمبر کے عوام کے مسائل کی آواز اٹھا ئی حقوق کی جنگ لڑی یہی وجہ ہے کے بھمبر کے عوام ان سے محبت کرتی ہے آج کے بڑے اجتماع نے ظاہر کردیا ہے کے خطہ میں ن لیگ کی حکومت بن کررہے گی میاں نواز شریف نے ملک میں ترقی کا انقلاب برپا کردیا وہ پوری دنیا میں پاکستان کے حقوق کی دفاع کی جنگ لڑ رہے ہیں عوام ان کے ساتھ ہیں دھرنوں کی سیاست کرنے والے غیر سیاسی لوگ اس بار بھی دھرنے میں رسوا ہوں گے میں اور پوری مسلم لیگ ن آزادکشمیر کے الیکشن کے دوران کشمیری عوام کے شانہ بشانہ کھڑے رہے گے ن لیگ خطہ کے اندر اقتدار میں آکر 70سالوں سے روا رکھی گئی محرومیوں ناانصافیوں کا ازالہ کرے گی عوام اس کے امیدواروں کے حق میں ووٹ دے کر ثابت کریں کے آزاد خطہ میاں نواز شریف کے چاہنے والوں کا گڑھ ہے۔