ملکہ کی خبریں 18/05/2015

MALKA

MALKA

ملکہ (زاہد مصطفی اعوان ) ڈی سی او صاحب ایک نظر آر ایچ سی ملکہ پر ،ڈاکٹر ز اور ادویات کی کمی کو پورا کیا جائے ۔آر ایچ سی ملکہ میں کھلی کچہری لگائی جائے ۔تفصیل کے مطابق ملکہ اور گرد ونواح کے غریب عوام نے ڈی سی او گجرات لیاقت علی چٹھہ سے مطالبہ کیا ہے کہ وہ RHCملکہ کا دورہ کریں ۔اور غریب عوام کو دی جانے سہولیات کا خود اندازہ لگا لیں ۔عوامی سروے کے مطابق RHCملکہ جو کھاریاں کے بعد سب سے بڑا علاقائی ہسپتال ہے ۔عرصہ دراز سے ڈاکٹرز اور ادویات کی کمی کا شکار ہے ۔RHCملکہ کا کلرک بھی بادشاہ ہے ڈیوٹی بھی اپنی مرضی سے دیتا ہے ۔حیدر کرار ویلفئیر ٹرسٹ ملکہ نے ادویات کی کمی کو پورا کرنے کی بھر پور کوشش کی لیکن جب تک سرکار اس کمی کو پورا نہ کرے اس وقت تک ادویات ملنا مشکل ہیں ۔ایمرجنسی میں بھی کوئی دوائی موجود نہیں ہے اگر کوئی ایمر جنسی آ جائے تو اس کی تمام ادویات باہر سٹور سے منگوانی پڑتی ہیں ۔ایمبولینس گزشتہ تین سالوں سے کسی مسیحا کا انتظار کر رہی ہے کہ کوئی آئے اور اسے صرف ڈھکا لگا کر ہی سٹارٹ کر دے ۔اہل علاقہ نے ڈی سی گجرات سے مطالبہ کیا ہے کہ وہ آج ہی ہمارے گاوں RHCملکہ کا وزٹ کریں ۔تاکہ ہسپتال میں دی جانے والی سہولیات کو خود اندازہ لگا سکیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملکہ (زاہد مصطفی اعوان ) شام 7 بجے کے قریب آنے والے آندھی طوفان کی وجہ سے کارنہراپرجہلم میں جاگری،پانچ افراد جاں بحق۔تفصیل کے مطابق موضع کول علاقہ تھانہ علی بیگ آزادکشمیرکے ایک ہی خاندان کی چارخواتین اورایک مرد،سرائے عالمگیرکے نواحی گائوں باولی میں ایک عزیزکی فوتگی سے واپس علی بیگ جارہے تھے۔کہ جیسے ہی کارنہراپرجہلم قصبہ کے مقام پرباولی کی سمت پہنچی توتیزآندھی طوفان کی لپیٹ میں آکرنہرمیں جاگری،حادثہ کی اطلاع پرریسکیوٹیم اور پولیس تھانہ صدرسرائے عالمگیرپہنچ گئے،لیکن اندھیرے کی وجہ سے ریسکیو ٹیم نہر میں نہ اتری، جبکہ ورثاء بھی موقع پر پہنچ گئے،آخرکارموضع قصبہ کے رہائشی نوجوانوں چوہدری رئیس اقبال،چوہدری فیصل، ارشدچوہدری، ندیم، عارف، شکیل، ظہیر نے ہمت کی اور کلپا سے نہر میں کار کی تلاش شروع کردی، رات دوبجے کے قریب ان نوجوانوں نے کارکو ٹریس کرکے لوہے کے سنگل ڈال کرکارکو نہرسے باہر نکال لیااوراپنی مددآپ کے تحت ریسکیو آپریشن رات 3بجے مکمل ہوا،تمام مسافروں کی نعشیں کارمیں ہی پائی گئیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملکہ (زاہد مصطفی اعوان ) ویٹرنری ہسپتال میں ڈاکٹروں کی عدم دلچسپی ۔انکوائری ٹیم مقرر کر دی گئی ۔انکوائری ٹیم آج منگلیہ ویٹرنری ہسپتال میں موجو دہو گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملکہ (زاہد مصطفی اعوان ) تھانہ گلیانہ ان ایکشن منشیات فروشوں کے خلاف کریک ڈاون درجن بھر گرفتار دو کے خلاف مقدمہ درج کر لیا گیا ۔تفصیل کے مطابق تھانہ گلیانہ نے منشیات فروشوں اور منشیات کے عادی افراد کے خلاف کریک ڈاون شروع کر دیا ہے ۔پولیس تھانہ گلیانہ نے نواحی موضع بدھو چک میں ریڈ کیا اور درجن بھر منشیات کے عادی افراد کو گاڑی میں بیٹھا کر لے گئے ۔جبکہ میڈیا کے رابطے کے بعد معلوم ہو ا کہ ان میں سے صرف دو افراد کے خلاف مقدمہ درج کیا گیا ہے ۔