راجن پور (اسپیشل رپورٹر) مسلم لیگ (ن) کو ایک اور دھچکا چالیس سال سے خدمات انجام دینے والے سابق جنرل سیکرٹری نے پی ٹی آئی میں شمولیت کا اعلان کردیا۔تفصیل کے مطابق سابق سٹی جنرل سیکرٹری سید ذوالفقار شاہ نے دوستوں مریدین اور کارکنوں سے مشاورت کے بعد پی ٹی آئی میں شمولیت کا اعلان کردیا ۔پی ٹی آئی سیکرٹریٹ میں ٹائیگر ز کی طرف سے ان کا والحانہ استقبال کیا گیا۔اس موقع پر پی ٹی آئی کے ضلعین نائب صدر رائو محمد حاکم ایڈووکیٹ ،سردار طارق خان گوپانگ اور سید ذوالفقار شاہ نے مشترقہ پریس کانفرنس میں باقاعدہ اعلان کیا ۔اس موقع پر ان کا کہنا تھا کہ سٹی صدر رانا مختیار احمد کا کارکنوں کے ساتھ ناروا سلوک اوران کے استحصال کی بدولت پارٹی چھوڑنے کا اعلان کیا۔ انہوں نے بتایا کہ وہ چالیس سال سے مسلم لیگ (ن) میں بغیر کسی مفاد کے قربانیاں دیںہماری صلاحیتوں اور پارٹی سے وفادار ی کو ہمارے مخالفین بھی تسلیم کرتے ہیں۔مگر افسوس کہ مسلم لیگی نہ سمجھ سکے ۔انہوں نے کہا کہ پی ٹی آئی میں شمولیت بلا مشروط ہے ،پی ٹی آئی مرکزی قائدین کی اپنے ٹائیگرز کو قدر کی نگاہ سے دیکھتے ہیں اس لئے میں نے پی ٹی آئی جوائن کی ۔اس موقع پر رائو محمد حکم اورسردار طارق خان گوپانگ نے کہا کہ وہ پی ٹی آئی میں نئے آنے والوں کو خوش آمدید کہتے ہیں اور انہیں ہر فورم پر سپورٹ کریں گے۔اس موقع پر مٹھائی بھی تقسیم کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راجن پور(اسپیشل رپورٹر۔)پٹاخے پھوڑنے اور آتش بازی کا مظاہرہ کرنے والے بچوں نے شادی والے گھر میں صف ِ ماتم بچھا دیا۔دلہن کا جہیز ،زیورات اور نقدی جل کر خاستر ہوگئی۔تفصیل کے مطابق کوٹ مٹھن کے نواحی علاقے موضع شاہ پور کے رہائشی محنت کش حاجی پٹھان جس نے قرض لے کر بیٹے اور بیٹی کی شادی کا پروگرام بنایا شادی سے چار دن قبل بچوں نے اس کے جھونپڑیوں کے قریب پٹاخے پھوڑنے اور آتش بازی کا مظاہرہ کرنے کے دوران اچانک آگ بھڑک اٹھی جس نے چندمنٹوں میں پورے گھر کو اپنی لپیٹ میں لے لیا۔گھر میں موجود نقدی ،زیورات اور دلہن کے جہیز کے کپڑے مکمل جل کر راکھ کا ڈھیر بن گئے ،جس سے پورے گھر میں صفِ ماتم بچھ گیا۔حاجی پٹھان اپنے بیٹے اور بیٹی کی شادی کے لئے حکومت سے امدا د کامطالبہ کر رہا ہے تا کہ وہ بیٹی کی رخصتی با آسانی انجام دے سکے۔۔۔۔
فیصل آباد: تنظیم مغلیہ کے زیر اہتمام نثار کالونی میں اہم اجلاس
صوبائی بجٹ میں ڈیرہ غازیخان ڈسٹرکٹ کے لیے کوئی نیا منصوبہ شامل نہیں کیا گیا