کراچی (پ ر) نائب امیر جماعت اسلامی پاکستان راشد نسیم نے کہا ہے کہ رمضان المبارک میں رحمتوں، برکتوں، مغفرتوں اور اللہ کی بے پایاں عنایت کے شکر کا دن عید الفطر ہے۔ عید کا دن جشن مسرت ہی نہیں عبادت اور ہر حال میں اللہ کو یاد رکھنے کا دن ہے۔
ماہ رمضان کی پر مشقت تربیت کا یہی پیغام ہے۔ اس بات کا اظہار انہوں نے مسجد ابو حذیفہ (آڈیٹوریم) میں جماعت اسلامی گڈاپ وسطی زون کے زیر اہتمام عید ملن کے اجتماع سے خطاب کر تے ہوئے کیا۔ انہوں نے کہا کہ آج پوری امت کا شیرازہ بکھر ا ہواہے۔ فلسطین، کشمیر، برما، شام، افغانستان، عراق، بنگلہ دیش، چہار اطراف مسلمان عالم کفر کے ظلم اور عالم اسلام کی بے حسی کاشکار ہیں۔
اتحاد امت، تمام مکاتب فکر کی قوتوں میں باہمی اتفاق و اتحاد ہوناچاہیے۔ آج ہر مرد، خواتین، نوجوانوں میں احساس پیدا ہونا چاہیے کہ ہم علیحدہ علیحدہ نہیں، ہم ایک دوسرے کے لیے غیر نہیں جسد واحد ہیں ۔ بھائی بھائی ہیں۔ ہمارا خدا ایک ہے، ہمارا رسول ۖ ایک ہے، ہمارا قبلہ ایک ہے، ہمارا قرآن ایک ہے، ہمارا مسلک اور دین ایک ہے اور ہم ایک بڑی عالمی برادری ہیں۔
قرآن و سنت کی بنیاد پر ہمارے مشترکات زیادہ اور اختلافی بنیادیں کم ہیں ۔ عید سعید کا یہی مقصد اور یہی پیغام ہے۔ انہوں نے مزید کہا کہ حقیقت یہی ہے کہ وطن عزیز اور عالم اسلام کے حالیہ لہو رنگ اور شکستہ حالات میں ہماری عید کی خوشیاں ادھوری ہیں۔ مظلوم مسلمانوں کے غالب ہونے تک ان کے غم میں دعاؤں اور امداد کے ذریعے شریک رہ کر جسد واحد کا کردار ادا کرنا ہوگا۔ نیز ان حالات میں سادگی کے وصف کو اپنانے کی ضرورت دو چند ہوگئی ہے۔
انہوں نے کہا کہ عید کے وسیع اجتماعات و تقریبات میںاور انفرادی سطح پر بھی ملک و ملتّ اور مظلوم مسلمانوں کے لیئے خصوصی دعائوںکا اہتمام لازم ہے۔ اجتماع سے خطاب کرتے ہوئے امیر جماعت اسلامیں ضلع وسطی منعم ظفر خان نے کہا کہ عید شکرگزاری اور انعام کا دن ہے۔ضرورت اس بات کی ہے کہ رمضان المبارک سے حاصل شدہ تقوی زندگی بدلنے کیلئے کافی ہو جائے۔ انہوں نے مزید کہا کہ مسلمان کا بنیادی فریضہ غلبہ دین ہے۔
اسی کے نتیجے میں عدل و انصاف مل سکے گا، چوروں کے ذریعے چور کے ہاتھ نہیں کاٹے جا سکتے۔ وقت کی سپر پاور بھرپور مادی وسائل کے باوجود بے وسائل اور بے سرو ساماں ایمانی قوت کے آگے گھٹنے ٹیکنے پر مجبور ہو چکی ہے۔ انہوں نے کہا کہ اس عید پر اپنے دیگر مسلمان بھائیوں کو بھی دعاؤں میں یاد رکھنے کی ضرورت ہے جن پر مظالم کی انتہا کر دی گئی ہے۔
سید انوار احمد
سیکریٹر ی اطلاعات
جماعت اسلامی، وسطی
0345-2385320
عید عالم اسلام کو باہم اتحاد و یکجہتی کے درس دیتی ہے، مفتی محمد نعیم
مدینہ منورہ میں حملے کے کیخلاف دنیا بھر میں شدید احتجاج