کراچی (جیوڈیسک) ترجمان رینجرز سندھ کا کہنا ہے کہ شہری رمضان المبارک میں زبردستی فطرہ وصولی کی اطلاع 1101 کی ہیلپ لائن پر دیں۔
ترجمان رینجرز کے مطابق ڈی جی رینجرز میجر جنرل بلال اکبر سے علمائے کرام کے وفد نے ملاقات کی جس میں ڈی جی رینجرز نے علما کو شہر میں ٹارگٹ کلنگ سمیت دیگر جرائم کی وارداتوں میں کمی پر بریفنگ دی جب کہ علمائے کرام نے بھی رینجرز کی کارکردگی پر اطمینان کا اظہار دیا۔
ترجمان رینجرز کے مطابق اس موقع پر ڈی جی رینجرز کا کہنا تھا کہ رمضان المبارک میں پولیس سے مل کر بہترین سکیورٹی انتطامات کیے جائیں گے، علمائے کرام بھی ماہ مقدس میں اتحاد و یکجہتی کی مثال قائم کریں۔ ترجمان کا کہنا تھا کہ شہری رمضان میں زبردستی فطرہ وصولی کی اطلاع رینجرز کی ہیلپ لائن 1101 پر دیں۔
آصف زرداری کا پاک فوج سے متعلق بیان، پیپلز پارٹی نے توثیق کر دی
رمضان المبارک کے موقع پر پی آئی اے نے اندرون ملک کرایوں میں 20 فیصد کمی کر دی