لیہ کی خبریں 8/2/2016

Layyah

Layyah

لیہ: قاری محمد بنیامین چشتی کی رہائش گاہ پر محفل میلاد مصطفی صلی اللہ علیہ والہ وسلم کا انعقاد کیا گیا۔ قاری عبدالرحمن نے تلاوت جبکہ محمد طیب نے نعت شریف سنانے کی سعادت حاصل کی۔ صدارت قاری محمد بنیامین چشتی نے کی۔ مولانا گل محمد باروی، مولانا محمد یوسف، مولانا غلام شبیر باروی، قاری غلام یاسین نقشبندی ، عبدالرشید رضوی نے خصوصی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ: جامع مسجد لاثانی محلہ ہانساں والامیں جنرل کونسلر عظیم الحق کے زیراہتمام منعقدہ محفل میلادمصطفی صلی اللہ علیہ والہ وسلم سے خطاب کرتے ہوئے علامہ عبدالعزیز طاہرسراجوی نے کہا ہے کہ محبت رسول سے بڑھ کرکوئی سرمایہ نہیں۔انہوںنے کہا کہ جس کے دل میںمحبت رسول صلی اللہ علیہ والہ وسلم ہواس سے غلط کام نہیںہوسکتا۔ انہوں نے کہا کہ تمام عبادات محبت رسول صلی اللہ علیہ والہ وسلم میں ڈوب کرکی جائیں تواس کالطف ہی اورہوتا ہے۔ پیر خالد سراجوی، عمران بریال، صدیق چشتی اورصائم علی نے ہدیہ نعت پیش کیا۔ محفل میلادمصطفی صلی اللہ علیہ والہ وسلم میں مسلمانوں نے کثیر تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لیہ : مولانا غلام شبیرباروی کی رہائش گاہ پرتکمیل حفظ قرآن پاک کی خوشی میں منعقدہ محفل میلادمصطفی صلی اللہ علیہ والہ وسلم سے خطاب کرتے ہوئے صدر مدرس جامعہ خیرالانام لیہ ، سرپرست تنظیم آئمة المساجدجماعت اہلسنت لیہ شہرصاحبزادہ احمدحسن باروی نے کہا ہے کہ اللہ اوراس کے رسول صلی اللہ علیہ والہ وسلم کی محبت ہی خیرکثیرہے۔اللہ تعالیٰ نے یہ خیرکثیراولیاء کاملین کوعطا کیا ہے۔تعظیم مصطفی صلی اللہ علیہ والہ وسلم پہلے ہے دیگرعبادات بعدمیں ہیں۔پہچان مصطفی صلی اللہ علیہ والہ وسلم سے ہی قبرکے امتحان سے کامیابی ملتی ہے۔جس گھرمیں حافظ قرآن اس گھرمیں سکون نازل ہوتا ہے۔اللہ جس سے بھلائی چاہتا ہے اسے حافظ قرآن بنادیتا ہے۔مولاناغلام شبیرباروی کے بیٹے حافظ محمدشفیق باروی نے حفظ قرآن پاک مکمل کرلیا ہے۔صدارت صاحبزادہ احمدحسن باروی نے کی۔ قاری محمدلطیف چشتی نے تلاوت قرآن پاک کی سعادت حاصل کی۔محمدسمیع اللہ قریشی، محمد صدیق پرہار، حاجی محمد، واحد بخش، خدابخش ، جیون، حافظ محمدشفیق باروی نے ہدیہ نعت پیش کیا۔ محمدصدیق پرہار نے نقابت کے فرائض اداکیے۔ محفل میلادمصطفی صلی اللہ علیہ والہ وسلم میں قاری غلام قاسم معینی، قاری محمدسعیداکبر،جنرل کونسلر، غلام فرید سیال، مہر مختیار احمد کلاسرہ سمیت مسلمانوں نے کثیر تعداد میں شرکت کی۔