تحریر : ڈاکٹر تصور حسین مرزا
پاکستان کی غیور عوام جس کو دنیا غیرت ،جرات ، بہادر ی اور دانشوری کے اعلی ٰلقبات سے جانتی بھی ہے اور مانتی بھی ہے۔ دنیا کے ہر ملک کی داخلی اور خارجی پالیسیوں سے اس ملک کے باسیوں کی پہچان ہوتی ہے۔ پاکستان کے معرض وجود میں آنے سے لیکر آج تک گنتی کے دو چار ملک ہی ایسے ہیں جن کو ہم دوست کہہ سکتے ہیں۔ دوست کچھ صرف دوست ممالک ہیں اور کچھ ہمسایہ ملک بھی ہے اور دوست بھی ہیں ۔دنیا میں جیسے انسانوں کے دوست ہوتے ہیں جو دوستی کے ساتھ خونی رشتہ بھی رکھتے ہیں۔ایسے ہی ملکوں کے دوست بھی ہوتے ہیں جنکو دست بھی کہا جاتا ہے اور رشتہ دار بھی کہا جاتا ہے۔ سعودی عرب وہ ملک ہے جو دوست بھی ہے اور رشتہ دار بھی ہے۔ اگر بات کی جائے رشتے داری کی تو سعودی عرب سے بڑا کوئی ملک رشتے دار نہیں۔
کیونکہ اسلام کی تعلیم ہی رشتے داری کی دیتا ہے ۔ اور اسلام مومن کی تعریف یوں کرتا ہے کہ اس وقت تک کوئی مسلمان مومن نہیں ہو سکتا جب تک آقا ۖ کو ماں باپ سمیت تمام رشتے داروں سے عزیز نہ جانتا ہو۔ اور اگر بات دوستی کی جائے تو کسی ولی اللہ کا قول کچھ یوں ہے۔ دنیا تے جو کم نہ آیا اوکھے سوکھے ویلے اس بے فیض سنگی کولوں بہتر یار اکیلے اس کا مفہوم کچھ یوں بنتا ہے کہ ۔۔۔ اگر کوئی دوست مشکل وقت پر کام نہیں آتا تو اس کو دوست نہیں سمجھنا چاہیے۔۔ اور ایسے دوستوں سے بہتر ہے انسان کسی کودوست ہی نہ بنائے۔
پارلیمنٹ کے سیاستدانوں اور دانشوروں سے التماس ہے جو قرار داد پاس کی گئی ہے کہ سعودیہ عریبہ اور یمن کی آگ میں غیر جانبدرانہ رہ کر جنگ کو ختم کروانے میں پاکستان اپنا رول ادا کرے گا۔ کیا ایسا ممکن ہے ؟؟ سلامتی کونسل یا یو این او سے اگر پاکستان کچھ منوا سکتا تو کیا کشمیر غلام ہی رہتا ؟ اگر بحثیت پاکستانی قوم ہمارا بین القوامی اتنا ہی اثر و سوخ ہوتا تو پاکستان کی شہ رگ دشمن کے شکنجے میں نہ ہوتی۔
Pakistan
اگر یہ سچ ہے کہ پاکستان کہ پاکستان کا وویلہ یمن اور سعودیہ کو اکٹھا نہیں کر سکتا تو کیا یہ سعودی عرب کو لولی پاپ نہیں۔؟؟؟ کیا جو تیس لاکھ محنت کش اپنی روزی روٹی سعودی عرب سے کما کر بال بچوں کا پیٹ پال رہے ہیں ان کے منہ سے روٹی کا نوالہ چھیننے کے مترادف نہیں ؟؟ حالانکہ یہ مزدور محنت کش ہی ہے جو زرمبادلہ پاکستان بھیج کر ملک کا پہیہ چلا رہے ہیں ورنہ کتنے سیاستدان، بیوروکریٹ ۔اور حکمران ہیں جو جائز اور ناجائز طریقے سے پاکستانی کرنسی کو بیرون ملک منتقل کر رہے ہیں ؟ کیا سعودی عرب تیس لاکھ محنت کشوں کو اگر پاکستان واپس کرتا ہے
تو ملک عزیز اس برقی جھٹکے سے سہ سکے گا؟اگر پاکستان برداشت کر بھی گیا تو تیس لاکھ خاندانوں کو دو وقت کی روٹی میسر کر دی جائے گئی؟؟یا تیس لاکھ خاندان فاقوں اور خود کشیوں پر مجبور کر دیئے جائیں گئے۔ یہ سعودی عرب کی محبت ہے جو ہر مشکل گھڑی میں تیل بجلی ڈالر تجارتی سیاسی ہر سطع پر ہر ممکن پاکستان کی غیر مشروط مالی امداد کر کے ملک پاکستان کو رواں دواں رکھنے میں دوستی کی لاج نبھاتا رہا ہے۔
سعودی عرب کو صرف ایک ملک تصور خیال کرنا ہماری حماقت ہے ۔ سعودی عرب وہ خطہ عرض ہے جہاں مومنوں کا حج و عمرہ ہوتا ہے۔ جہاں مومنوں کا قبلہ و کعبہ ہے۔ حرمین شریفین ہیں۔ سب سے بڑھ کر دنیا و جہاں کے تاجدار محبوب خدا محسن انسانیت نبی آخر الزماں حضرت محمد ۖ روضہ مبارک ہے۔ یہ بات بھی روز روشن کی طرح عیاں ہے کہ پاکستانی پارلیمنٹ کی متفقہ قرارداد میں واضع کیا گیا ہے کہ سعودی عرب کی سلامتی حرمین شریفین کی عزت و آبرو کی حفاظت کے لئے صرف پاک افواج ہی نہیں بلکہ پاکستان کا بچہ بچہ بھی کٹ مرنے کو تیار ہے۔یہ ملکی پالیسی کا حصہ نہیں بلکہ اہل ایمان کی نشانیوں میں سے ایک نشانی ہے۔
Yemen
کاش ہماری پارلیمانی قیادت بند کمرے میں بیٹھ کر سعودی عرب اور یمن کی ماضی حال اور مستقبل کی صورت حال کو مد نظر کھ کر ایسی پالیسی بناتی جس سے اسلامی دنیا میں پاکستان کا وقار بلند سے بلند تر ہوتا ۔ ساری اسلامی دنیا پاکستانی ایٹمی قوت کو پاکستانی ایٹمی قوت جاننے کی بجائے اسلامی سمجھتی حالانکہ جتنے بھی غیر اسلامی ممالک ہیں وہ ہمارے ایٹمی اثاثے کو اسلامی اثاثہ قرار دیتے ہیں۔خدانا کرے اگر کبھی پاکستان پر برا وقت آیا تو یہ ہی غیر غیروں والا کام کریں گئے ، یہ تو اللہ کا کرم ہیں ، اللہ کے نیک بندوں کی دعاؤں کا اثر ہے کہ دشمنان اسلام اور دشمنان پاکستان کے شر سے اللہ رب العزت نے وطن عزیز کو بچایا ہوا ہے ۔ وہ دوست ممالک جو پاکستانی دوستی پر فخر کرتے۔
وہ پاکستانی فوج کو اسلامی فوج سمجھتے ہیںاور ان کے نزدیک پاکستان کا ایک مضبوط قلعہ ہے پاکستان اور اسلام کے دشمن چاہتے ہیں کہ پاکستان ایسے دوستوں سے دور ہوئے بغیر صفحہ ہستی سے مٹا نہیں جا سکتا۔یہی وجہ ہے دشمن ہمارے اندرونی اور بیرونی پالیسیوں پر اثر انداز ہو رہا ہے۔
اب بھی وقت ہے پاکستانی ارباب اختیار ایسا طریقہ اپنائیں جس سے کسی ملک میں یہ شک و شہبات جنم نہ لیں کہ پاکستان بے وفا ہے؟؟ اسلامی ممالک سے وفا نہ کرنے کا سیدھا سا مطلب بنتا ہے کہ شاید ہم وفادار نہیں یا با اعتماد نہیں؟ اگر پاکستان اسلام کا قلعہ ہے تو سعودی عرب بھی اسلام کا قبلہ و کعبہ ہے۔۔۔۔۔۔۔ بس ملکی خارجہ پالیسی میں یہ نقطہ شامل کر لیا تو پھر دشمن کی یہ چال بے اثر ہو جائے گی۔اور دعا ہے ایسا ہی ہو۔۔
آئین پاکستان اور متضاد عملی صورت مزید کب تک؟
قبل از وقت موت