ریاض (جیوڈیسک) سعودی عرب کے شہر جازان میں ایک اسپتال میں آگ لگنے سے 31 افراد جاں بحق جب کہ 110 زخمی ہو گئے۔
سعودی عرب کی شہری دفاع کے مطابق سعودی عرب میں یمن کی سرحد کے قریب شہر جازان کے جنرل اسپتال میں جمعرات کی علی الصبح آگ لگ گئی۔ شہری دفاع کے حکام کا کہنا ہے کہ آگ نے سب سے پہلے اسپتال کی پہلی منزل میں واقع زچہ بچہ وارڈ کو اپنی لپیٹ میں لیا اور پھر دیکھتے ہی دیکھتے اسپتال کے دیگر حصے بھی اس کی لپیٹ میں آگئے۔
سعودی حکام کے مطابق شہری دفاع کے 20 بریگیڈز اور دوسرے اداروں کے رضاکاروں نے امدادی سرگرمیوں میں حصہ لیا اور آگ پر قابو پایا۔ حکام نے واقعے میں 31 افراد کے جاں بحق جب کہ 110 سے زائد کے زخمی ہونے کی تصدیق کردی ہے۔
فوری طور پر آگ لگنے کی وجہ معلوم نہیں ہوسکی ہے تاہم جائے وقوعہ پر موجود سعودی حکام نے واقعے کی تحقیقات شروع کردی ہے۔
نائجیریا میں 300 شیعہ اجتماعی قبر میں دفن کیے گئے: ہیومن رائٹس واچ
6 ایٹمی ری ایکٹرز کی تعمیر بھارت کا امریکی کمپنی سے معاہدہ کرنے کا اعلان