اسلام آباد (جیوڈیسک) سعودی عرب نے پاکستان میں پلائی جانے والی پولیو ویکسین پرتحفظات کا اظہارکرتے ہوئے پاکستانی عازمین حجاج کوسعودی عرب داخلے کے وقت پولیو کے قطرے پلانے کا فیصلہ کیا ہے۔
ذرائع نے بتایا کہ سعودی وزارت حج نے پاکستان کی وزارت مذہبی امور کو خط لکھا ہے کہ جس میں پاکستان میں حجاج کرام کو پلائی جانے والی ویکسین پر تحفظات کا اظہار کیا ہے۔ پاکستان میں پولیو وائرس کے بڑھتے ہوئے کیسزپرسعودی حکومت کوتشویش ہے۔ سعودی حکام نے پاکستانی وزارت مذہبی امورکوآگاہ کیا کہ پاکستانی عازمین حجاج کوسعودی عرب داخلے کے وقت بھی پولیو ویکسین پلائی جائے گی۔
سعودی حکومت کے مطابق پاکستان کے ساتھ ساتھ شام ،عراق نائیجیریا، اتھوپیا اور افغانستان کے عازمین حجاج کوبھی سعودی عرب داخلے کے وقت پولیو ویکسین پلائی جائے گی۔سعودی وزارت حج کے مطابق یہ فیصلہ دوران حج پولیو وائرس سے بچائو یقینی بنانے کے لیے کیا گیا ہے۔
کراچی : سانحہ صفورا میں ملوث مزید 4 دہشت گرد گرفتار، سیکورٹی ذرائع
نیپرا نے کراچی کے گھریلو صارفین کیلئے بجلی کی قیمتوں میں اضافہ کر دیا