کراچی کی خبریں 13/3/2017

Football

Football

سیکریٹری کھیل حکومت سندھ محمدسلیم رضا
کو کھیلوں کی خدمات پر ایوارڈ دیاجائیگا
کراچی : کراچی شوٹنگ بال ایسوسی ایشن کے صدر غلا م محمدخان نے اعلان کیا ہے کہ22 مارچ صبح 11:00 بجے کھیلوں کے فروغ پر بے مثال خدمات پر سیکریٹری کھیل حکومت سند ھ محمدسیلم رضا کو یوم پاکستان اسپورٹس ایوارڈ دے گئی اسلسلے میں ایک تقریب میں نیشنل بینک شعبہ اسپور ٹس کے سربراہ اویس اسد خان ایورڈ دے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) غریب نواز فٹ بال کلب ڈالمیا ڈسٹرکٹ ایسٹ کراچی کے صدر سابق نیشنل فٹ بالر صدیق گبول نے غریب نواز فٹ بال کلب کی صدارت سے استعفیٰ دیدیا،انہوں نے استعفیٰ کے وجوہات بتا تے ہوئے کہاکہ کلب کے کھلاڑیوں سے مسلسل ناانصافی اور اپنی ذاتی مصروفیات کی وجہ سے مزید ذمہ داری سنبھال نہیں سکتا لہذا کسی دوسرے کو صدر بنا دیا جائے جو کلب کے معاملات کو احسن طریقے سے نبھا سکے اور کھلاڑیوں کے ساتھ انصاف کرسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز پارٹی ضلع ملیر کے آغا کریم خان ،لیاقت بلوچ ،محمود علوی ،سمیر بلوچ ،واحد بلوچ ،میر شبیر بلوچ ،محمد حسین اور دیگر کا
غلام مرتضیٰ بلوچ ،ساجد جوکھیو اور میر عباس تالپور کو پیپلز پارٹی ڈسٹرکٹ ملیر کی ذمہ داری سنبھالنے پر مبارکباد
نئے عہدیداران ضلع ملیر کو پاکستان پیپلز پارٹی کا قلعہ اور چیئر مین بلاول بھٹو کے اعتماد پر پورا اُتریں گے
کراچی (اسٹاف رپورٹر) پاکستان پیپلز پارٹی ضلع ملیر کے سابق ایگزیگٹیو باڈی کے رکن آغا کریم خان ،یوسی 12غریب آباد کے وائس چیئر مین لیاقت بلوچ ، محمود علوی ،واحد بلوچ،میر شبیر بلوچ ،محمد حسین منگریو ،الیاس خاصخیلی ،انور جوکھیو ،سمیر بلوچ ،حبیب جلبانی ،عظیم خاصخیلی اور شفیع بلوچ نے مشترکہ بیان میں پاکستان پیپلز پارٹی ضلع ملیر کے نو منتخب صدر حاجی غلام مرتضیٰ بلوچ،جنرل سیکریٹری ساجد جوکھیو اور سیکریٹری اطلاعات میر عباس تالپور کو مبارکباد پیش کرتے ہوئے کہاکہ نومنتخب ذمہ دار چیئر مین بلاول بھٹو کے اعتماد پر پورا اُترتے ہوئے ضلع ملیر کو پیپلز پارٹی کا قلعہ بنا ئیں نے کے ساتھ سنیئر اور نظریاتی کارکنان کو تنظیم میں لا کر پارٹی کو ضلع ملیر میں فعال اور منظم بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کا نیا فضائی دفاعی نظام بھارتی ارمانوں پر اوس ہے ‘ راجونی اتحاد
LY-80ایئرڈیفنس سسٹم کی پاک فوج میں شمولیت سے پاکستان کا دفاع مزید مضبوط ہوگیا ہے
نئے فضائی دفاعی نظام سے ممکنہ جارحیت کے فوری سدباب اور منہ توڑ جواب کی صلاحیت بڑھی ہے
کراچی ( اسٹاف رپورٹر )چینی ساختہ ایئر ڈیفنس سسٹم LY-80کی پاکستانی فوج کے فضائی دفاعی نظام میں شمولیت کو پاکستانی دفاع میں اہم سنگ میل قرار دیتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن’ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی ودیگر نے کہا ہے کہدشمن طیاروں ‘ بیلسٹک وکروز میزائل اور داغے جانے والے راکٹوں کو راستہ میں ہی تباہ کرنے’ کم بلندی سے درمیانی بلندی تک مار کرنے اور آسانی سے ایک جگہ سے دوسری جگہ منتقل ہونے والے لوئر میڈیم الٹی ٹیوڈ ایئر ڈیفنس سسٹم LY-80 کی پاک فوج میں شمولیت سے فضائی خطرات سے نمٹنے اور ممکنہ بھارتی جارحیت کے فوری سدباب و منہ توڑ جواب کی صلاحیت میں بھی اضافہ ہوگیا ہے جس سے نہ صرف ہمارا دفاع مضبوط ہوا ہے بلکہ بھارتی جارحانہ جذبات پر بھی اوس پڑگئی ہے!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ کا ہرفرد مردم شماری میںحصہ لے اور اپنا اندراج کرائے ‘ سولنگی اتحاد
مردم شماری میں سولنگی برادری سے تعلق رکھنے والا ہر فرد اپنے نام کے آخر میں سولنگی ضرور لکھوائے
سولنگی اتحاد کی مردم شماری آگاہی مہم ‘ سندھ کے تمام اضلا ع میں مردم شماری کیلئے عوام کی تربیت
کراچی ( اسٹاف رپورٹر ) پاکستان سولنگی اتحاد کے سینئر رہنما امیر سولنگی کی ہدایت پر مردم شماری میں سندھ کے ہر باسی کی رجسٹریشن اور ہر بالغ مرد وعورت کو ووٹ یقینی بنانے کیلئے پاکستان سولنگی اتحاد اور سندھ ساوا ایسوسی ایشن کے اشتراک سے سندھ کے تمام اضلاع میں شروع کی جانے والی مردم شماری آگاہی مہم کے تحت سولنگی رضاکاروں نے بدین ‘ دادو’ گھوٹکی ‘ حیدرآباد ‘جیکب آباد ‘ جامشور ‘ کراچی ‘ کشمور ‘ خیرپور ‘ لاڑکانہ ‘ مٹیاری ‘ میرپور خاص ‘نو شہرو فیروز ‘شہیدبینظیر آباد ‘قمبر شہدادکوٹ ‘ سانگھڑ ‘ شکارپور’ سکھر ‘ ٹنڈو الہٰیار ‘ ٹنڈو محمد خان ‘تھرپارکر ‘ ٹھٹھہ ‘ عمر کوٹ ‘ سجاول سمیت سندھ کے تمام اضلاع کے ہر چھوٹے بڑے شہر اور گاؤں و دیہات میں ہر گھر اور ہر فرد تک رسائی یقینی بناتے ہوئے مردم شماری کے حوالے سے سندھ باسیوں کی تربیت کی اور ان تک امیر سولنگی کا یہ پیغام پہنچایا کہ محفوظ و خوشحال مستقبل اور ناانصافی ‘ استحصال ومسائل سے نجات کیلئے سندھ میں موجود ہر گھرانے کا سربراہ مردم شماری کے دوران عملے سے بھرپور تعاون کرتے ہوئے اپنے بیوی بچوں سمیت اپنے گھر کے ہر فرد کی رجسٹریشن کرانے کیساتھ 18سال سے زائد ہر فرد کے ووٹ کااندراج کرایا جائے اور مردم شماری کے دوران ہر فرد کے حوالے سے با الکل درست معلومات فراہم کی جائیں جبکہ ہر برادری سے تعلق رکھنے والے افراد کے نام کے آخر میں اس کی برادری کا بھی اندراج کرایا جائے مثال کے طور پر سولنگی برادری سے تعلق رکھنے والا ہر فرد اپنے نام کے آخر میں سولنگی ضرور لکھوائے تاکہ سرکاری سطح پر یہ بات ظاہر ہوسکے کہ پاکستان میں سولنگی برادری کی اکثریت کتنی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
استحصال و ناانصافی کے نظام اور اپنے اقتدار کو بچانے کیلئے فوجی عدالتوں کا سہارا لیا جارہا ہے!
جمہوری نظام قومی ترقی اور عوامی تحفظ میں ناکام ہوچکا ہے’ ایم آر پی
فوجی عدالتوں کی حمایت’ سیاسی ‘ انتظامی وعدالتی نظام کی ناکامی کا اعتراف و ثبوت ہے’ امیرپٹی
محفوظ مستقبل کیلئے عصری تقاضوں سے ہم آہنگ فلاحی و اشتراکی نظام کا نفاذ ضروری ہوچکا ہے
کراچی ( اسٹاف رپورٹر )جمہوری حکومت ‘ حکومتی جماعت ‘ وزرأ اور بالخصوص وزیر دفاع کی جانب سے فوجی عدالتوں کے قیام کی حمایت اس بات کی علامت ہے کہ ہمارا موجودہ سیاسی ‘ انتظامی اور عدالتی نظام ناکارہ و بوسیدہ ہوچکا ہے ۔ محب وطن روشن پاکستان پارٹی کے قائد و چیئرمین امیر پٹی نے فوجی عدالتوں کے حوالے سے تبصرہ کرتے ہوئے کہا کہ عدلیہ کی بروقت انصاف میں فراہمی میں ناکامی اور اس کی وجہ سے ملک میں بڑھتی ہوئی دہشتگردی ‘ بد امنی ‘ لاقانونیت اور کرپشن کے باعث بڑھتی ہوئی سماجی و معاشی ناہمواری اور قومی مسائل یقینا فوجی عدالتوں کی ضرورت و اہمیت کو اجاگر کرتے ہیں مگر فوجی عدالتیں نہ تو مسائل کا مستقل حل ثابت ہوسکتی ہیں اور نہ ہی ان وجوہات کا خاتمہ کرسکتی ہیں جن کی کوکھ سے ان مسائل نے جنم لیا ہے ۔امیر پٹی نے کہا کہ مسائل کے مستقل حل کیلئے بوسیدہ اور گلے سڑے سیاسی ‘ جمہوری اور انتظامی و عدالتی نظام کو عصری تقاضوں سے ہم آہنگ امن ‘ انصاف ‘ ترقی ‘ خوشحالی اور محفوظ مستقبل کے ضامن فلاحی نظام سے تبدیل کرنا ضروری ہوچکا ہے اور فلاحی نظام کیا ہے ‘ یہ کس طرح قومی مسائل حل کرسکتا ہے ‘فلاحی نظام کے ثمرات عوام تک کس طرح پہنچ سکتے ہیںاس کا خاکہ وہ فارمولہ روشن پاکستان پارٹی پہلے ہی پیش کرچکی ہے مگر چونکہ فلاحی نظام استحصالی طبقات کی بجائے ملک وقوم کو با اختیار بناتے ہوئے ان کے مفادات کے تحفظ کی ضمانت دیتا ہے اسلئے قوم کو یرغمال و غلام بنانے اور ملک کی جڑیں کھوکھلی کرنے والے استحصالی طبقات فلاحی نظام کو رائج کرنے کی بجائے استحصال کے نظام اور اپنے اختیار واقتدار کو بچانے کیلئے فوجی عدالتوں کا سہارالے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
احترام ‘ امن ‘ انسانیت اور خدمت ہر مذہب کا درس ہے’ جی کیو ایم
معاندانہ وگستاخانہ رویوں کے خاتمے کیلئے احترام انسانیت و مذہب کے پیغام کو فروغ دینا ہوگا!
امن و اخوت کیلئے تمام مذاہب کے تمام طبقات کو مل کر کام کرنے کی ضرورت ہے ‘ گجراتی سرکار
کراچی ( اسٹاف رپورٹر ) لکشمی نرائن مندر میں ہندو برادری کی ہولی کی تقریب میں شریک گجراتی قومی موومنٹ کے سربراہ گجراتی سرکار امیرسولنگی عرف پٹی والا المعروف سورٹھ ویر نے تقریب کے شرکاء کو ہولی کی مبارکباد پیش کر تے ہوئے کہا کہ دنیا کے تمام مذاہب احترام ‘ انسانیت ‘ خدمت ‘ محبت ‘ اخوت ‘ امن ‘ بھائی چارگی اور مذہبی ‘ سماجی و ریاستی قوانین کی پاسداری کا درس دیتے ہیں جبکہ مذہبی ایام افراد کے اجتماع اور ملاقات و محبت کی تجدید کا موقع فراہم کرتے ہیں اسلئے مذہبی و مسلکی اختلافات کو بالائے طاق رکھتے ہوئے ہر ایک کے مذہبی ایام کا احترام امن ‘ مساوات اور محبت کے فروغ کا باعث بنتا ہے ۔ امیرسولنگی نے مزید کہاکہ پاکستان میں اقلیتوں کو مکمل آئینی و قانونی حقوق و تحفظ حاصل ہے اور اکثریت اقلیت کا بھرپور احترام کرتی ہے جبکہ پاکستان میں بسنے والی تمام اقلیتیں پاکستان سے مخلص ہونے کیساتھ ریاستی قوانین کی پاسدار بھی ہیں اور مسلمانوں کا بھی احترام کرتی ہیں یہ جذبات اگر دنیا بھر میں فروغ پاجائیں تو نہ صرف مذہبی تصادم ‘ دہشتگردی اور جنگ و جدل کے بادل چھٹ جائیں بلکہ مذہبی شخصیات کے حوالے سے گستاخی کا تصور بھی مٹ جائے مگر اس کیلئے تمام مذاہب کے درمیان ہم آہنگی پیدا کرنا اور ہر مذہب کے ماننے والوں کی جانب سے دوسرے مذہب کے ماننے والوں کیلئے احترام و محبت کے جذبات کو فروغ دینا ہو گا جس کیلئے تمام مذاہب کے سیاسی ‘ مذہبی ‘ سماجی حلقوں اور دانشوروں ‘ صحافیوں ‘فنکاروں اور تمام طبقات کو مل کر کام کرنے کی ضرورت ہے۔