ممبئی (جیوڈیسک) بالی ووڈ فلم ’جگا جاسوس‘ کی ریلیز میں متعدد رکاوٹیں آتی رہیں جن میں سب سے بڑی رکاوٹ فلم کے مرکزی کرداروں رنبیر کپور اور کترینہ کیف کی علیحدگی بنی تاہم اب مداحوں کے لیے ایک اچھی خبر یہ ہے کہ بالی ووڈ کنگ شا ہ رخ خان بھی اس فلم کا حصہ بن گئے ہیں۔
بھارتی میڈیا رپورٹس کے مطابق مسلسل تاخیرکا شکار ہونے والی انوراگ باسو کی فلم “جگا جاسوس” 2017 کے اپریل میں ریلیزکی جائے گی لیکن اب مداحوں کے لیے اچھی خبر یہ ہے کہ کنگ آف رومانس شا ہ رخ خان بھی اس فلم کا حصہ بن گئے ہیں۔
رپورٹس کے مطابق شا ہ رخ خان فلم میں ایک مختصر سا کردارادا کرتے نظر آئیں گے جس کے انہیں متعدد بار جگا جاسوس کے سیٹ پر دیکھا گیا ہے تاہم اس حوالے سے ابھی تک ہدایتکار کی جانب سے تردید یا تصدیق نہیں کی گئی ہے۔
واضح رہے کہ کترینہ کیف اوررنبیر کپورکی علیحدگی کے بعد دونوں ہی فنکاروں نے فلم میں عدم دلچسپی کا اظہارکردیا تھا تاہم فلم نگری سے وابستہ چند نمایاں شخصیات کے سمجھانے کے بعد دونوں اداکاروں نے شوٹنگ مکمل کرائی تھی۔
ارباز اور ملائکہ نے طلاق لینے کا فیصلہ کر لیا
ہالی ووڈ فلم فنٹاسٹک بیسٹ اینڈ ویئر ٹو فائنڈ دیم باکس آفس پر چھا گئی