شیخوپورہ کی خبریں 11/7/2017

Sheikhpur

Sheikhpur

شیخوپورہ (دانیال منصور سے) DIG نارتھ زون عباس احسن کی خصوصی ہدایات پر SSP نارتھ III وحید الرحمن خٹک کی زیر نگرانی نارتھ III ہیڈ کوارٹر میں حادثات سے نمٹنے کے لئے خصوصی پریس کانفرنس ہوئی۔ جن میں DSP ہیڈ کوارٹر ظہیر وقاص فوکل پرسن انسپکٹر سید محمد وصی حیدر کاظمیPSOٹو SSP لائن آفیسر لائن HQ نارتھ III اختر سیکٹر آپریشنل آفیسر صداقت علی SPO سہیل اسلم ، سید محمد قوی حیدر زیدی (کوارڈئنیٹر) و دیگر افسران کے علاوہ صحافیوں کی کثیر تعداد نے شرکت کی۔SSPوحید الرحمن خٹک نے پاک میڈیا کلب کے چئیرمین رانا محمد ایوب سے گفتگو رکرتے ہوئے کہا کہ موٹرو ے پولیس ہر قسم کے خطرات سے روڈ یوزرز کو محفوظ رکھنے کے لئے ہر ممکنہ کوشش کر رہی ہے افسران تندہی اور ایمانداری سے اپنے فرائض انجام دے رہے ہیں۔ اس معاملے میں کسی قسم کی غفلت لاپرواہی برداشت نہیں کی جائے گی۔اس موقع پردیگر افسران نے SSPنارتھ وحید الرحمن خٹک کی کوششوں کو خراج تحسین پیش کرتے ہوئے کہا کہ ان جیسے ایماندار ، فرض شناس اور محب وطن افسران ہر محکمے میں ہونے چاہیے ۔ ان کی مثالی کوششوں سے ادارہ دن رات بہتری کی کوششوں میں لگاہوا ہے اور اس کے مثبت رزلٹ برآمد ہو رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ ( عدنان غفارسے ) کونسلر مسلم لیگ ن یونین کونسل52 شفقت اکرام آف ڈیرہ سنگھو والیاںنے کہا کہ نواز شریف دن رات ملک کی خدمت میں مصروف ہیں اور انشاء اللہ وہ وقت دور نہیں جب ملک سے اندھیروں سے کا خاتمہ ہوجائے گا۔ انھوں نے میڈیا سے گفتگو کرتے ہوئے کہا کہ میں نے اپنے علاقے کے عوام کی فلاح کے لئے ایم این اے میا ں جاوید لطیف اور ایم پی اے فیضان خالد سے جنڈیالہ روڈ کی سڑک نزد کرلکے سٹاپ جو ٹوٹ پھوٹ کا شکار ہے اسے منظور کروانے کی کوشش کر رہا ہوں ۔اس کے علاوہ علاقے کا ایک درینہ مسلئہ سوئی گیس کا ہے اور اس کے لئے بھی میں سر توڑ کو شش کر رہا ہوں، علاقے کے پانی کے مسائل کو بھی سنجیدگی سے دیکھا جارہا اور اسے بھی حل کیا جائے گا۔ ملک میں جمہوریت ہی عوام کے تمام مسائل کا حل ہے ۔ میرے حلقے کے عوام کے لئے میر ے دروازے دن رات کھلے ہیں اگر کسی کو کوئی مسلئہ ہو تو میں اس کی خدمت کرنے کو ہر وقت تیار ہوں۔ایک سوال کے جواب میں انھوں نے کہا کہ میرے آباواجداد بھی مسلم لیگی تھے اور میں بھی مسلم لیگ میں شامل ہوں اور انشاء اللہ مرتے دم تک مسلم لیگ کا ساتھ دوں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔