شیخوپورہ کی خبریں 16/9/2016

DCO Visit

DCO Visit

شیخوپورہ (دانیال منصور سے) ڈی سی او ارقم طارق نے ضلع بھر کی ریونیو حدود میں بوٹی مافیا کو باز رکھنے اور امتحانی مراکز کے نظام میں کسی بھی قسم کی مداخلت کو روکنے کی غرض سے دو دِن کے لئے ضلع شیخوپورہ میں دفعہ 144 کے نفاذ کا نوٹیفیکیشن جاری کر دیا ہے جو کہ 17 ستمبر 2016 سے نافذ العمل ہو گا۔ یہ قانون انٹرمیڈیٹ اینڈ سیکنڈری ایجوکیشن بورڈ لاہور کے زیر اہتمام ہونے والے میٹرک کے سپلیمنٹری امتحان کو مدِنظر رکھتے ہوئے لاگو کیا گیا ہے جس کی خلاف ورزی کرنے والوں کے خلاف سخت قانونی کاروائی عمل میں لائی جائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شیخوپورہ (بیورورپورٹ) ڈی سی او ارقم طارق کی زیر صدارت عید الضحیٰ کے موقع پر صفائی ستھرائی ، پرائس اینڈ کوالٹی کنٹرول اور ہسپتالوں کو نگرانی کے لئے تشکیل دی گئی خصوصی ٹیموں کی بہتریں کارکردگی ، ڈی سی او خود ہسپتالوں اور بازاروں کے دورے کرتے رہے۔ جبکہ اے سٹی شبیر حسین بٹ کی کڑی نگرانی میں قربانی کے جانوروں کی خرید و فروخت کے لئے بنائے گئے غیر قانونی سیل پوائینٹس پر بھی سخت ایکشن جاری رہا ۔پرائس اور کوالٹی کنٹرول کے لئے سبزی منڈی میں پیاز، ٹماٹر ادرک اور لہسن جیسی اشیاء خوردونوش کی قیمتوں کی بولی اپنی نگرانی میں کرواتے رہے ۔ انہوں نے بتایا کہ عید کے موقع پر سپلائی میں کمی بیشی آنے پر مصنوعی مہنگائی پیدا کر کے مہنگے نرخوں چیزیں فروخت کی جاتی ہیں جس کی روک تھام کے لئے ضلعی انتظامیہ نے بھر پور کردار ادا کیا۔ جبکہ سڑکوں پر جاری صفائی ستھرائی کی مہم کی بھی کڑی نگرانی جا ری رہی جس کی ذمہ داری ٹی ایم اوز کو دی گئی تھی اس حوالے سے ڈی سی او شیخوپوہ نے اطمینان کا اظہار کیا۔ علاوہ ازیں عید کے دِنوںمیں بھی شیخوپورہ کے تما م سرکاری ہسپتال اورہیلتھ سینٹر کھلے رہے اور ڈیوٹی سٹاف کی مکمل مانیٹرنگ جاری رہی جس کی تا حال کوئی شکایت درج نہیں ہوئی ۔ ڈی سی او ارقم طارق نے انتظامیہ کی بہترین کارکردگی کو سراہتے ہوئے کہا ہے کہ عوام کو سہولیات فراہم کرنا اولین ترجیح ہے ۔عید کے موقع پر عوام کی خدمت کرکے ملنے والی خوشی بیان نہیں کی جاسکتی ۔ انہوں نے شیخوپورہ کو صاف رکھنے میں بھرپور کردار ادا کرنے پر ٹی ایم اوز کو مبارکباد پیش کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ (دانیال منصور سے) صفائی کے نظام کو بحال رکھنے کہ لئے ڈی سی او ارقم طارق کی نگرانی میں تشکیل دیا گیا جامع پلان بہترین ثابت ہوا۔ عید کے دو دِن میں تقریباَ 1400 ٹن کوڑا اور فضلہ اٹھا کر شہر کو صاف کیا گیا جس میں 1000 ٹن کے قریب قربانی کے جانوروں کی آلائشیں شامل ہیں ۔ضلعی انتطامیہ کی افسران اور ڈی سی ا و از خود سڑک کنارے ا ور دیگر مقامات پر پھینکی گئی آلائشوں کی نشاندہی کر کہ فوراَ انہیں اٹھواتے رہے تا کہ کسی قسم کی گندگی یا وباء کو پھیلنے سے روکا جا سکے اس عمل کے نتیجہ میں شہر کو بدبو اور غلاظت سے محفوظ رکھنے میں کامیابی حاصل ہوئی۔ جبکہ عید قربان کے موقع پر لگائی جانے والی پابندی کے تحت کڑی نگرانی کے نتیجہ میں کھالیں اکٹھی کرنے والی کسی تنظیم کی غیر قانونی کاروائی عمل میں نہ آئی ۔ یاد رہے ضلع بھر میں کُل 5 تنظیموں کو کھالیں اکٹھی کرنے کے لئے کیمپس لگانے کی ا جازت دی گئی تھی جن کا تعین امن کمیٹی کے اجلاس میں مشاورت سے کیا گیاتھا علاوہ ازیںقربانی کے جانوروں کی کھالیں بلاا جازت اکٹھی کرنے پرمکمل پابندی عائد کی گئی تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ (بیورورپورٹ) عیدقربان کے موقع پر کھلے میں سری پائے بھو ن کر ہوا میں آلودگی اور بدبو پھیلانے والوں کے خلاف کریک ڈائون کے دوران ضلع شیخوپورہ کی حدود میں دو دِ ن میں کُل 19 مقدمات درج کر کے قانونی کاروائی عمل میں لائی گئی۔ عید کے دنوں میںبدبو کی شکایت کے پیش نظر شہروں میں جانوروں کے سری پائے بھوننے پر مکمل حکومتی پابندی کی خلاف ورزی کے زیادہ تر واقعات تحصیل شیخوپورہ میں پیش آئے اور ایک مقدمہ فیروزوالہ میں درج کیا گیا جبکہ شرقپور ، مریدکے اور صفدر آبا د کی تحصیلوں میں اس ضمن میں کوئی مقدمات درج نہیں کئے گئے ۔ ڈی سی او ارقم طارق نے کڑی نگرانی کے لئے جامع پلان کے تحت یونین کونسل کی سطح تک افسران کو تعینات کر کے بہترین حکمت عملی کی ایک او ر مثال قائم کر دی جس کی بدولت شہر کو بدبو او ر جانوروں کی آلائشوں سے پاک رکھنے میں بڑی حد تک کامیابی حاصل ہوئی جس پر شہریوں نے انتظامیہ کا شکریہ ادا کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شیخوپورہ (دانیال منصورسے)میلہ مریم آباد میں زیارت کے لئے آنیولاے اور عید کے بعدشہروں کو واپس جانے والے مسافروںسے کرایوں کی مد میںان سے اضافی نرخ وصولنے کی شکایت پر ایکشن لیتے ہوئے ڈی سی او ارقم طارق کی خصوصی ہدایت پر سیکرٹری ڈی آر ٹی اے طاہر نواز ز ضلع بھرکی مرکزی شاہراوںپر کریک ڈائون جاری رکھے ہوئے ہیں۔ خصوصاَ سرگودھا روڈ اور لاہور روڈ پر اورچارجنگ ، اور لوڈنگ کرنے والے ٹرانسپورٹرز کے بھی چالان کئے جارہے ہیں جبکہ لاری اڈوں اور بس اسٹاپس پر باقائدگی سے انسپکشن کی جارہی ہے تاکہ عید کی چھٹیوں سے واپسی جانے والے اور میلہ مریم آباد میں شرکت کے لئے آنے والے مسافروں کو مشکلات سے بچایا جا سکے ۔ اسی ضمن میں اڈا مالکان اور ٹرانسپورٹر حضرات کوطے شدہ کرایوں سے زائد نہ وصول کرنے کی وارننگ بھی جاری کر دی گئی۔