شیخوپورہ (ڈاکٹر ایم ایچ بابر سے) ایگزیکٹیو ڈسٹرکٹ آفیسر ہیلتھ ڈاکٹر افتخار احمد نے آر ایچ سی نارنگ منڈی کے انچارج ڈاکٹر عدنان القمر کو ترقی دے کر تحصیل ہیڈ کوارٹر اسپتال مریدکے کا ایم ایس تعینات کر دیا ہے اور انہوں نے اپنے عہدے کا چارج سنبھال کر کام شروع کر دیا ہے واضح رہے کہ ڈاکٹر عدنان القمر نے بطور انچارج آر ایچ سی ایک طویل عرصے تک نارنگ میں بڑے احسن طریقے سے خدمات سر انجام دیں ہیں ۔شہری ، سیاسی اور سماجی حلقوں میں انہیں بڑی قدر کی نگاہ سے دیکھا جاتا ہے ۔ان تمام حلقوں نے ڈاکٹر عدنان سے الوداعی ملاقات میں انہیں زبردست خراج تحسین پیش کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہاکی کے نامور کھلاڑی اولمپئین اخلاق احمد کو ہزاروں سوگواروں کی موجودگی میں سپرد خاک کر دیا گیا ۔
شیخوپورہ (حامد قاضی سے )دنیائے ہاکی کا درخشندہ ستارہ اور شیخوپورہ کا نامور سپوت اولمپئین اخلاق احمد جو کل علالت کے باعث انتقال کر گئے تھے آج ان کو ہزاروں سوگواروں کی موجودگی میں مقامی قبرستان میں سپرد خاک کر دیا گیا نماز جنازہ میں شہر بھر سے ہزاروں کی تعداد میں ہر طبقہ فکر کے لوگ شامل تھے مرحوم نے دنیائے ہاکی میں اپنے وطن کے لئے لازوال خدمات سر انجام دیں ۔ انکی بے وقت موت پر ہر آنکھ اشکبار تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخو پورہ ( ڈاکٹر ایم ایچ بابر سے )سول جج شیخوپورہ محترمہ عنبر گل خان نے چیچو کی ملیاں ہائیڈرل پاور پلانٹ کی کروڑوں روپے مالیتی 49ایکڑ زمین کا فیصلہ محکمہ واپڈا کے حق میں دے دیا ہے باخبر ذرائع کے مطابق مذکورہ رقبہ پر عمران نامی شخص قابض تھا اور یہ کیس گذشتہ پانچ سال سے زیر سماعت تھا جس کا فیصلہ سناتے ہوئے فاضل جج نے واپڈا کی جانب سے دائر کی گئی پٹیشن پر فیصلہ واپڈا کے حق میں دیدیا جس پر پولیس نے واپڈا افسران کے ہمراہ جاکے عمران نامی شخص سے قبضہ بھی واگزار کروا دیا ہے۔
گجرات کی خبریں 26/11/2016
باہمی تعاون اور تجاویز کی روشنی میں بلاتعطل میونسپل سروسز کی فراہمی کو یقینی بنائیں گے۔ سید نیئر رضا