کراچی (پریس ریلیز) پاکستان کے معروف گلوکار عارف لوہار پر امریکہ میں تاحیات پابندی عائد کئے جانے اور پاکستان میں دھوکہ و فراڈ کا مقدمہ چلائے جانے کا امکان۔ تفصیلات کے مطابق گلوکار عارف لوہار نے جشن آزادی پاکستان کے حوالے سے امریکہ کی مختلف ریاستوں میں ہونے والے پروگرامز میں پرفارمنس کیلئے اپنے پروموٹرہربندر سبروال کے ذریعے مختلف آرگنائزر زسے کنٹریکٹ و ایگریمنٹ کے ذریعے لاکھوں ڈالر وصول کئے اور انہیں یہ یقین دلایا کہ میرے پاس ویزہ موجود ہے اور میں وقت پر امریکہ پہنچ کر پروگرامز میں پرفارم کروں گا مگر عین وقت پر ویزہ نہ ملنے کا بہانہ بناکر نہ صرف اپنے شائقین کو مایوس کیا بلکہ آرگنائزرز کو بھی مالی نقصان سے دوچار کیا کیونکہ ان کی عدم شرکت کی وجہ سے پروگرامز کینسل ہوگئے ۔
آرگنائزرزکوشدید شرمندگی و بے عزتی سے دوچار ہونا پڑا جبکہ عارف لوہار کی اس حرکت سے امریکہ میں مقیم پاکستانیوں کو شدید صدمہ و دکھ بھی پہنچاجس پر امریکہ میں مقیم پاکستانی کمیونٹی نے عارف لوہار اور ان کے پروموٹرہربندر سبروال کیخلاف ابھرپور احتجاج کرتے ہوئے عارف لوہار پر تاحیات پابندی کا مطالبہ کیا ہے جبکہ عارف لوہار اور ان کے پروموٹرہربندر سبروال سنگھ کی دھوکا دہی کے باعث برباد ہونے والے لاس اینجلس ‘ نیو جرسی ‘ شکاگوو ایری زوناکے پروگرام آرگنائزرز نے عارف لوہار سے لئے گئے اےڈوانس کی واپس وصولی اور ان کےخلاف قانونی چارہ جوئی کیلئے حکومت امریکہ و حکومت پاکستان سے رابطہ کیا ہے اور باخبر ذرائع عارف لوہار پر امریکہ میں تاحیات پابندی کے خدشات کا اظہار کررہے ہیں۔
طالبان افغانستان کی طرف سے ٹرمپ کی دھمکی پر پاکستان کا شانہ بشانہ دفاع کا اعلان
کارکنوں سے خطاب میں صدر اسٹیٹ یوتھ پارلیمنٹ شہیرسیالوی امریکی صدر پر خوب گرجے برسے