نیلگوں آسمان مانگتا ہے

Posted on June 9, 2016 By Majid Khan آپکی شاعری, شاعری

نیلگوں آسمان مانگتا ہے
ہر پرندہ اڑان مانگتا ہے
خواہشوں سے بھرا ہو یہ دِل
چاہتوں کا جہان مانگتا ہے
شہرِ بے چارگی میں ہر کوئی
سَر پہ اِک سائبان مانگتا ہے
مجھ کو دِل سے نِکالنے والا
مجھ سے کیسا مکان مانگتا ہے
عقل سود و زیاں کی متقاضی
عِشق اپنا لگان مانگتا ہے
عہدِ لب بستگی میں بھی ساحل
قلم حرف و بیان مانگتا ہے

ساحل منیر