میں سرِ دار بھی ہوں کتنی بلندی پہ یہ دیکھ
جب بھی دیکھا ہے وہی گھور اندھیرا نکلا
جانے کس سمت محبت کا ستارا نکلا
ہم کو جس عہد میں جینا تھا بغاوت کے لئے
اُس میں ہر شخص روایات کا شیدا نکلا
دل یہی سوچ کے جیون میں بہل جاتا ہے
اِک تیرا غم تو کسی طور سہارا نکلا
اے غمِ عشق تیرے ہوتے ہوئے دنیا میں
ہم نے جس شخص کو دیکھا وہی تنہا نکلا
موج در موج لگی آگ نہ بجھ پائے گی
کوئی میخوار جو میخانے سے پیاسا نکلا
میں سرِ دار بھی ہوں کتنی بلندی پہ یہ دیکھ
تُو میرے قد سے کہاں آج بھی اونچا نکلا
وقتِ رخصت میں اکیلا ہی نہ رویا ساحل
اُس کے آنچل کا کنارا بھی تو بھیگا نکلا
سانسوں کو تیرے نام کی گردان کیا جائے
محبت اک عبادت ہے