سٹرکٹ سیشن جج راولپنڈی کی خصوصی معاونت سے ٹیکسلا بار میں ڈبل الیکٹرک کنکشن کا افتتاح

Speech

Speech

ٹیکسلا (ڈاکٹر سید صابر علی سے) ڈسٹرکٹ سیشن جج راولپنڈی کی خصوصی معاونت سے ٹیکسلا بار میں ڈبل الیکٹرک کنکشن کا افتتاح۔ٹیکسلا بار ایسوسی ایشن کی جانب سے ڈسٹرکٹ سیشن جج سہیل ناصرکے اعزاز میں دیئے گئے استقبالیہ میں ٹیکسلا با ر کی لوکل جوڈیشلی کے معزز ججز صاحبان اور ٹیکسلا بار کے مرد ، خواتین وکلاء کی کثیر تعداد موجود تھی سیشن جج راولپنڈی سہیل ناصر نے اپنے دست مبارک سے بجلی کے ڈبل کنکشن کی فراہمی پر تختی کی نقاب کشائی کر کے اسکا باقائدہ فتتاح کیا ۔ بار میں زائع کے مطابق ڈبل کنکشن کی فراہمی پر 18 لاکھ روپے کی خطیر رقم خرچ ہوئی ۔جس سے مسلسل بجلی کی بندش کا مسلہ حل ہوجائے گا،ٹیکسلا بار روم میں منعقد استقبالیہ تقریب سے خطاب کے دوران ڈسٹرکٹ سیشن جج سہیل ناصر کا کہنا تھا کہ ٹیکسلا بار سے میرا روحانی رشتہ ہے جسے میں زندگی کے کسی موڑ پر فراموش نہیں کر سکتا ٹیکسلا بار کے وکلاء کے جملہ مسائل حل کرنا میری اولین ترجیحات میں شامل ہو گا۔

عوام کو سستے اور فوری انصاف کی فراہمی کو یقینی بنانے اور جو ڈیشلی میں بہتری کے لئے مربوط اقدامات کئے جارہے ہیں جس سے مقدمات کے التواء جیسے گھمبیرمسائل حل ہوں گے انہوں نے ٹیکسلا بار کے وکلاء کو خراج تحسین پیش کرتے ہوئے کہا کہ مجھے خوشی ہے کہ اِنہوں نے ہڑتال کے فرسودہ رواج کو ختم کیا اور وکلاء کی فلاح و بہبود کے لئے مثبت سوچ کو پروان چڑھایا میری حتی الوسع کوشش ہو گی کہ نئے چیمبرز کی تعمیر کے علاوہ وکلاء کو درپیش مسائل ترجیحی بنیادوں پر حل کئے جائیں گے ان کہنا تھا کہ ٹیکسلا کی سر زمین کا مجھ پر یہ قرض ہے کیونکہ مرنے کے بعد اچھے الفاظ میں دنیا اسی انسان کو یاد رکھتی ہے جس نے زندگی میں خدمت انسانیت کے لئے کام کیا ہو ا نہی کو ہم عرف عام میں رویوں کا نام دیتے ہیں کردار اور رویے انسان کو تاریخ میں زندہ رکھتے ہیں قبل ازیں ٹیکسلا بار ایسوسی ایشن کے صدر میر ناصر بلال ایڈووکیٹ نے سپاسنامہ پیش کرتے ہوئے ٹیکسلا بار کے مرد و خواتین وکلاء کو درپیش مسائل کا اعادہ کیا اور کہا کہ ٹیکسلا بار میں تعینات ججز بہترین صلاحیتوں کے حامل ہیں جبکہ جنرل سیکرٹری ٹیکسلا بار ذیشان مہدی ایڈووکیٹ نے تمام وکلاء کی جانب سے ڈسٹرکٹ اینڈسیشن جج سہیل ناصر کی ٹیکسلا آمد پر ان کا شکریہ ادا کیا اور اس توقع کا اظہار کیا کہ وہ ٹیکسلا بار کے وکلاء کے مسائل کے حل میں ہماری مکمل رہنمائی کریں گے انہوں نے ٹیکسلا جوڈیشلی کے ججز کے کردار کو سراہا اور ٹیکسلا میں تعینات ججز کو بہترین جوڈیشلی قرار دیا اس موقع پر بار کے سینئر اراکین شیخ محمد یعقوب ایڈ ووکیٹ،خواجہ امتیاز ، ملک عرفان ، سیدرضوان حیدر ،شوکت علی، ملک عارف ، سید رضا عباس ، کے علاوہ جمیل اصغر بٹ ، ملک خالد شہزاد ، طاہر محمود راجہ ، شفقت ایزدی ، ملک عدنان،ملک عرفان گجر ،میڈم خیر النساء ، جاوید منگرال ۔ سید اکرار حیدر، الطاف حسین ، شیر خان تنولی،شہزاد خالد، سید غیاث الدین ، سید سبطین شاہ، مختار بٹ ،کے علاوہ کثیر تعداد میں بار کے وکلاء نے شرکت کی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر سید صابر علی تحصیل رپورٹر واہ کینٹ ، ٹیکسلا، حسن ابدال ، ترنول0300-5128038