خرطوم (جیوڈیسک) سوڈان میں آئل ٹینکر الٹنے کے بعد دھماکے سے پھٹ گیا جس کے نتیجے میں 170 افراد ہلاک جب کہ متعدد زخمی ہوگئے۔
غیر ملکی خبر رساں ادارے کے مطابق جنوبی سوڈان کے قصبے ماریدی میں تیل سے بھرا ٹینکر دھماکے سے پھٹ گیا جس کے نتیجے میں 170 افراد ہلاک جب کہ متعدد زخمی ہوگئے۔ صدارتی ترجمان کے مطابق حادثہ اس وقت پیش آیا جب ٹینکرموڑ کاٹتے ہوئے تیز رفتاری کے باعث پلٹ گیا جس کے بعد لوگوں کی بڑی تعداد تیل جمع کرنے کے لیے جائے حادثہ پرجمع ہوگئی کہ اچانک ٹینکر میں آگ بھرک اٹھی اور دھماکا ہوگیا۔
مقامی انتظامیہ کے مطابق علاقے میں موجود تمام اسپتالوں میں ایمرجنسی نافذ کردی گئی ہے جب کہ اسپتال زخمیوں سے بھر گئے ہیں جن میں سے 50 زخمیوں کی حالت تشویشناک ہے۔ سوڈان کی حکومت نے علاج و معالجے کی بہتر سہولتیں نہ ہونے کے سبب ہلال احمر اور اقوام متحدہ سے مدد کی اپیل کی ہے۔
امریکا ،بھارت دفاعی تعلقات ،پنٹاگون میں خصوصی سیل قائم
شام : فوجی ہیلی کاپٹروں کا بیرل بموں کا استعمال، 21 شہری ہلاک