تعجب ہے ایف بی آئی ثبوت ابھِی تک جمع کر رہی ہے: ڈونالڈ ٹرمپ

Donald Trump

Donald Trump

واشنگٹن (جیوڈیسک) امریکی نو منتخب صدر ڈونالڈ ٹرمپ نے ٹویٹر پر سائبر حملوں سے متعلق ایف بی آئی نے اپنی رپورٹ جمعے کے روز تک ملتوی کرنے کے اعلان پر برہمی کا اظہار کیا۔

ٹرمپ نے کہا کہ تعجب ہے کہ نام نہاد روسی سائبر حملوں کے بارے میں بریفنگ جمعے تک ملتوی کر دی گئی ہے جس سے لگتا ہے کہ ایف بی آئی کو ثبوت جمع کرنے کےلیے وقت درکار ہے ۔

یاد رہے کہ ٹرمپ نے ایف بی آئی سے روس سائبر حملوں کے بارے میں تفصیلات طلب کی تھیں۔

اوباما انتظامیہ کی جانب سے صدارتی انتخابات میں روس کے ملوث ہونے پر مبنی بیانات،روسی سفارتی اہلکاروں کی بے دخلی اور امریکی خارجہ پالیسیاں دونوں ممالک کے درمیان تعلقات کشیدہ کرنے کا سبب ہیں۔