تیمور ریاض قتل: دوسرے ملزم کانسٹیبل نے بھی گرفتاری دے دی

Taimoor Riaz

Taimoor Riaz

اسلام آباد (جیوڈیسک) اسلام آباد کے تھانہ سبزی منڈی ناکہ پر نوجوان تیمور ریاض قتل کیس کے دوسرے ملزم پولیس اہلکار نے بھی گرفتاری دے دی ہے۔

ذرائع کے مطابق تھانہ سبزی منڈی ناکے پر تیمور فائرنگ قتل کیس کے ملزم کانسٹیبل طارق نے گرفتاری دے دی ہے۔

ملزم طارق نے تھانہ سبزی منڈی میں پیش ہو کر گرفتاری دی۔ واقعے کے ایک اور ملزم کانسٹیبل سمیع اللہ نے گزشتہ روز گرفتاری دے دی تھی۔

دونوں پولیس اہلکاروں پر تین روز قبل گاڑی میں سوار نوجوان تیمور ریاض کو ناکے پر نہ رکنے پر گولی مار کر قتل کرنے کا الزام ہے۔

دونوں ملزمان کو آج عدالت میں پیش کیے جانے کا امکان ہے۔