تلہ گنگ (تحصیل رپورٹر) کل 28 مئی بروز ہفتہ شام پانچ بجے جناح ہال تلہ گنگ میں یوم تکبیر/آزادی صحافت اور قومی سلامتی کے تقاضے کے موضوع پر ایک روزہ سیمینار منعقد ہو گا ۔سیمینار کی صدارت چیئر مین چکوال پر یس کلب خواجہ بابر سلیم کرینگے جبکہ مہمان خصوصی سینیٹرجنرل(ر) عبدالقیوم ملک ہونگے ۔سیمینار میں دانشور ،تجزیہ نگار ،صحافی،وکلاء اور اعلیٰ سول افسران شرکت کرینگے ۔سیمینار کا اہتمامتلہ گنگ ٹائمز نے اپنی 17ویں سالگرہ کے موقع پر کیا ہے ۔جس کے منتظم چودھری غلام ربانی کے مطابق اس سلسلے میں تمام انتظامات مکمل کر لئے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (تحصیل رپورٹر) گور نمنٹ گرلزہا ئی سکول چو کھنڈی کی کلاس ہشتم کی طالبہ رابعہ پر ٹیچرز کی جانب سے بہیمانہ تشدد کا نشانہ بنانے واقعہ کی تحقیقات شروع ۔گور نمنٹ گرلزہا ئی سکول چو کھنڈی کے کلرک کوکلاس ہشتم کی طالبہ رابعہ پر پانی کاکولر نہ بھرکر دینے کی پاداش میں ٹیچر میمونہ جبیں بپھر گئیں۔ دیگر دو ٹیچراور کلرک کے ساتھ ملکر طالبہ پر 30روپے چوری کا الزام لگا کر پہلے بہیمانہ تشدد کیا ۔ معصوم طالبہ رابعہ یاسمین کو مرغا بنا دیا گیا ۔بعد ازاں طالبہ کو دیوار کے ساتھ الٹا لٹکا دیا گیا۔ میمونہ جبیں ٹیچر کا غصہ پھر بھی ٹھنڈا نہ ہوا تو بچی کو واش روم میں چار گھنٹے تک بند کر دیا گیا ۔گرمی کی شدت سے بچی پانی مانگتی رہی لیکن پانی نہ دیا گیا ۔خوف وہراس اور تشد د کے نتیجہ میں بچی کی ناک سے خون بہنے لگا او ربے ہوش ہوگئی ۔پھر بھی ظالم ٹیچر میمونہ جبین اور دیگر کو ترس نہ آیا تو تینوں نے ملکر شاہی فرمان سنایا ۔کہ کل سے سکو ل آنے کی ضرورت نہیں ۔سکول سے فارغ ہونے کا سرٹیفکیٹ گھر پر پہنچ جائے گا ۔اس واقعہ پر عوامی سماجی حلقوں نے شدید الفاظ میں مذمت کی۔ ڈی سی او چکوال نے بھی سخت نوٹس لیتے ہوئے انکوائری کا حکم دے دیا ہے ۔طا لبہ نے بتا یا کہ یہ سب کچھ سکول ھذا کے کلر ک ریاض حسین اور ٹیچر میمو نہ جبین کی ایماء پر واقعہ پیش آیا ۔طا لبہ نے اپنے والد الفت حسین کے ہمراہ میڈیا کو ظلم کی داستان سنائی جس کو سن کر رونگٹے کھڑے ہوگئے۔
عوامی سماجی حلقوں اور والدین نے اس بیہمانہ ظلم کی شدید الفاظ میں مذمت کرتے ہوئے وزیر اعلی پنجاب ،سیکرٹری تعلیم پنجاب ،ڈی سی او چکوال اور ای ڈی او ایجوکیشن چکوال کے نام تحریری درخواستوں اور میڈیا کی وساطت سے دردمندانہ اپیل کی ہے کہ سکول ھذا کے کلرک سمیت تینوں ٹیچروں کے خلا ف قانونی کاروائی عمل میں لا کر انہیں تحصیل بدر کیا جائے ۔بچی کے والد الفت حسین نے بتایا کہ میمو نہ جبین اور کلر ک کا تعلق چوکھنڈی گائوں سے ہے اور انہیں بااثر شخصیات کی سر پرستی حاصل ہے ۔جو کئی عرصے سے ہوم سٹیشن کے مزے لے رہے ہیں ۔مدعی الفت حسین نے کہا بچی کے تشدد کرنے الٹا لٹکانے اور چار گھنٹے حبس بے جا میں رکھنے پر وہ پولیس اسٹیشن میں کاروائی کے لیے اپنا قانونی حق محفوظ رکھتا ہے ۔معلوم ہو ا ہے ڈی سی او چکوال نے ٹیچرز کے ظالمانہ رویے کا سخت نوٹس لیتے ہوئے ای ڈی او ایجوکیشن ڈاکٹر غلام مرتضیٰ کو تحقیقات اور ذمہ داران کے خلاف کاروائی کا حکم دیا ہے ۔علا قہ بھر کے والدین نے ٹیچرزاور کلرک کے خلاف سخت کاروائی کامطالبہ کر تے ہو ئے کہا ہے کہ ان کو تحصیل بدر کیا جا ئے اور ان کی اجا رہ داری کو ختم کر کے گور نمنٹ گرلزہا ئی سکول چو کھنڈی کا ماحول بہتر کیا جا ئے ۔عوامی حلقوں نے میڈیا سے بات چیت کر تے ہو ئے یہ بھی کہا کہ اگر ان ٹیچرز اور کلر ک کے خلاف کاروا ئی نہ کی گئی تو ہم ڈی سی او آفس کے با ہر بھوک ہڑتال کر کے احتجاج کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (تحصیل رپورٹر) تھانہ صدر تلہ گنگ میں درج مقدمہ کا ملزم لاہور میں ڈی این اے ٹیسٹ کے دوران پولیس حراست سے فرار،ایک کا نسٹیبل اور سب انسپکٹر کیخلاف مقدمہ درج۔تفصیلات کے مطابق کچھ روز قبل تلہ گنگ سرگودھا روڈ پر کرایہ کے مکان میں رہائش پذیر راولپنڈی کی دو خواتین کو گلے پر چھری چلا کر زخمی کر دیا گیا جس پر پولیس تھانہ صدر تلہ گنگ نے ملزم منصور ولد اکرم ساکن محلہ ملتانی راولپنڈی کیخلاف زیر دفعہ 374/376ت پ مقدمہ درج کر کے اُس کو گرفتار کر لیا ۔گزشتہ روز ملزم منصور کو تھانہ صدر پولیس کے دو اہلکار سب انسپکٹر حسنین شاہ اور کا نسٹیبل افتخار ڈی این اے ٹیسٹ کیلئے لاہور لیکر گئے جہاں ملزم پولیس حراست سے فرار ہو گیا ۔ملزم فرار ہونے پر لاہور کے متعلقہ تھانہ میں تھانہ صدر تلہ گنگ کے دونوں اہلکاروںکیخلاف مقدمہ درج کر لیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (تحصیل رپورٹر) ڈی ایس پی تلہ گنگ اور ایس ایچ او لاوہ کو تبدیل کر دیا گیا ۔ڈی ایس پی تلہ گنگ ملک عبدالرحمن کو راولپنڈی کینٹ تبدیل کر کے اُنکی جگہ چکوال ہیڈکوارٹر سے فضل عباس کو نیا ڈی ایس پی تلہ گنگ تعینات کیا گیا ہے ۔جبکہ ایس ایچ او تھانہ لاوہ نذیر راکی کو سی ٹی ڈی چکوال تبدیل کر دیا گیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (تحصیل رپورٹر) ڈی ڈی ایچ او تلہ گنگ ڈاکٹر آفتاب ملک نے صفائی کے ناقص انتظامات اور مضر صحت کھانے پر الحسنین ہوٹل بائی پاس انتظامیہ کو دس ہزار جرمانے عائد کرتے ہوئے دس روز کی وارننگ دی ہے ۔بصورت دیگر ہوٹل سیل کر دیا جائے گا ۔دریں اثناء مضر صحت مشروب فروخت کرنے نکہ کہوٹ کے قریب ٹھیلہ بان کو ہزار روپے جرمانہ عائد کیا ہے ۔ڈاکٹر آفتاب حیات ملک نے کہا ہے کہ لوگوں کی صحت سے کھیلنے کی اجازت کسی کو نہیں دی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (تحصیل رپورٹر) ممبر زکوة عشر کمیٹی ضلع چکوال عبدالرازق شاد نے مقامی دفتر میں مستحقین میںجہیز فنڈ کی مد میں امدادی چیک تقسیم کئے ۔اس موقع پر انہوں نے بتایا کہ ضلع میں چیئر مین زکوة عشر کمیٹی سلطان جامی کی قیادت میں غریب و نادار افرادمیں انتہائی قلیل وقت میں ساٹھ لاکھ کی امداد تقسیم کی جا چکی ہے۔
جمعیت نے جو مجھے عزت و احترام دیا ہے تا عمر یاد رکھوں گا: جمشید دستی
جھنگ کی خبریں 26/5/2016