تلہ گنگ : تھانہ ٹمن کے علاقہ موضع دروٹ میں پچاس سالہ شخص کو گھر میں گھس کر گلا دبا کر قتل کر دیا گیا ۔پچاس سالہ حسین احمد ولد عبدالعزیز ساکن دروٹ گھر میں اکیلا ہوتا تھا ۔گزشتہ رات نامعلوم شخص نے گھر میں گھس کر حسین احمد کو گلا دباکر موت کے گھاٹ اُتار دیا ۔پولیس ذرائع کے مطابق متوفی حسین احمد کا مخالفین سے زمین کا تنازعہ چل رہا تھا ۔پولیس نے ملزمان کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ : ریڑھی بانوں کا چار روزہ احتجاج رنگ لے آیا ،میونسپل کمیٹی کے چیئرمین نے شکست تسلیم کرتے ہوئے ریڑھی بانوں کا کرایہ ختم کر دیا ۔تفصیلات کے مطابق میونسپل کمیٹی تلہ گنگ میں ق لیگ سے تعلق رکھنے والے چیئرمین نعیم طارق نے بغیر کسی پلاننگ اور مشاورت کے اچانک ریڑھی بانوں کو تلہ گنگ راولپنڈی روڈ پر ایک پرائیویٹ جگہ کرایہ پر حاصل کر کے اُنہیں وہاں شفٹ ہونے اور تین ہزار ماہانہ کرایہ ادا کرنے کا کا نادر شاہی حکم صادر کر دیا ۔جس پر دو سو کے لگ بھگ ریڑھی بانوں نے احتجاج شروع کر دیا اور چار روز سے روزانہ احتجاجی ریلیوںکا انعقاد کیا ۔جمعرات کے روز بھی متاثرین نے احتجاجی ریلی کا انعقاد کیا اور پی ٹی آئی کے ضلعی صدر و سابق ایم این اے سردار منصور حیات ٹمن کیمپ پہنچے جہاں سردار منصور حیات ٹمن نے خطاب کرتے ہوئے ق لیگ کی پالیسیوں کو کڑی تنقید کا نشانہ بنایا ۔اُنہوں نے متاثرین کو اپنی پارٹی کی ہر ممکن تعاون کی یقین دہانی کرائی اور اُن کے احتجاج میں شامل ہونے کا اعلان کیا ۔جس پر ق لیگ نے پسپا ہوتے ہوئے ریڑھی بانوں کو مذاکرات کیلئے بلا لیا ۔مذاکرات کے بعد میونسپل کمیٹی کی جانب سے عائد کردہ تین ہزار ماہانہ کرایہ ختم کر دیا گیا ۔جس پر ریڑھی بانوں نے بھی عارضی طور پر نئی جگہ شفٹ ہونے پر رضا مندی ظاہر کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ : پولیس تھانہ سٹی تلہ گنگ نے 27لاکھ روپے کا چیک ڈس آنر ہونے پر ایک ملزم کیخلاف مقدمہ درج کر لیا ۔فیصل محمودگھاڑا ساکن تلہ گنگ نے پولیس تھانہ سٹی تلہ گنگ کو رپورٹ درج کراتے ہوئے بتایا کہ ملزم عدنان حسین ساکن جنڈ نے گاڑیوں کے لین دین اُس کو 27لاکھ روپے کا چیک دیا جو بنک سے ڈس آنرہو گیا ۔پولیس نے مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ : محنت کشوں کی وجہ سے ملک سرسبزو شاداب ہے،محنت کش اس ملک کا قیمتی سرمایہ ہیں -ان خیالات کا اظہارپنجاب ایگریکلیچرل انجینئر لیبرفیڈریشن کے صدر سید مصور حسین شاہ نقوی نے تلہ گنگ اے ڈی سی میں نو منتخب باڈی تلہ گنگ و چکوال ڈویژن اور پورے پنجاب ایمپلائز یونین کے عہدیداران اور ورکرز کے اجلاس سے خطاب کر تے ہوئے کیا-تفصیلات کے مطابق تلہ گنگ ڈویژن سواں ویلی ایمپلائز یونین کے نومنتخب چئیرمین ملک مشتاق ،صدر ملک محمد اقبال ، سیئنر نائب صدر ملک جمیل اختر شکرال جنرل سیکرٹری شاہد عباس چکوال ڈویژن کے چئیرمین عزیز الحق،صدر عبدالرزاق،جنرل سیکرٹری نور خان، باقی عہدیداران اور ورکرز کی جانب سے تلہ گنگ اے ڈی سی میں تمام پنچاب کے عہدیداران کو ظہرانہ دیا گیااور پورے پنجاب کے عہدیداران کا اجلاس منعقد کیا گیا اجلاس سے خطاب کر تے ہوئے پنجاب ایگریکلیچرل انجینئر لیبرفیڈریشن کے صدر سید مصور حسین شاہ نقوی اور چیئر مین چوہدری عنصر اقبال نے کہا کہ مزدوروں کا استحصال کیا جارہا ہے،چودہ ہزار روپے میں بچوں کی تعلیم ،صحت ،اور روز مرہ کے اخراجات کیسے چلائے جا سکتے ہیں اور کئی فیکٹریوں میں مزدوروں کو چودہ ہزار سے بھی کم تنخواہ دی جاتی ہے کروڑوں ایکڑ رقبہ ہماراادارہ کاشت کے قابل کر چکا ہے اور1997ء میں جب ادارہ ختم کیا جا رہا تھا تو اس وقت ہمارا ادارہ ستر لاکھ سے زائد ایکٹر رقبہ ہموار کر چکا تھا اور چھ ہزار چھوٹے ڈیم بنا چکا تھا اور اب یہ تعداد بہت زیادہ ہے ۔ایک سو ایکسٹھ آسامیاں کئی سالوں سے خالی پڑی ہیںادارے کو سٹاف کی کمی کا سامنا ہے ڈھائی سو نئے بلڈوزر اور نئی مشینری کی بھی اشدضرورت ہے محنت کشوں کے بنیادی حقوق ان کو نہیں دیئے جا رہے ہیں تلہ گنگ کالونی کے لئے فنڈز بھی مہیا نہیں کئے جا رہے وزیر زراعت نے ہم سے وعدہ کیا ہے کہ آپ کے مطالبات پورے کئے جائیں گے مگر ابھی تک ان پر عمل درآمد نہیں ہو سکا ٹیکنیکل سٹاف کی اپ گریڈیشن کا معاملہ بھی التواء کا شکا ر ہے ۔تلہ گنگ ادارے کے ٹریننگ سٹاف اورلئے گئے ٹریکٹر بھی واپس نہیں کیے گے۔
پاکستان تحریک انصاف کے ترجمان انجینئر افتخار چودھری شیخ رشید کے ساتھ ایک نجی تقریب میں
ویگن، بس اور مزدا ٹرک میں ہولناک تصادم، 2 خواتین، ایک بچی سمیت 5 افراد جاں بحق