تلہار کی خبریں 25/10/2015

Talhar

Talhar

تلہار: ملک بھر کی طرح تحصیل تلہار میں بھی یوم عاشور مذہبی عقیدت و احترام سے منایا گیا اس موقع پر تلہار تحصیل کی مرکزی امام بارگاہ سمیت خواجہ ، جتوئی، لغاری ، ماچھی،دلوانی امام بارگاہ و دیگر سے ماتمی جلوس برآمد ہوئے جن کیساتھ ذوالجناح، علم پاک اور تعزیا بھی شامل تھے مختلف امام بارگاہوں سے برآمد ہونیوالے تمام جلوس مارکیٹ چوک پر جمع ہوئے جہاں مجلس عزا منعقد کی گئی جسے منظور حسین میمن، اعجاز شیرازی، افتخارحسین و دیگر علماءنے خطاب کرتے حضرت امام حسین اور شہدائے کربلا کی زندگی پر روشنی ڈالی جس کے بعد عزاداروں نے سینہ زنی اور زنجیروں سے ماتم کیا اس موقع پر سیکیورٹی کے انتظامات سخت کئے گئے تھے۔
۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔

تلہار (نمائندہ) جیکب آباد واقع کیخلاف گذشتہ روز کی طرح دوسرے روز بھی مجلس وحدت المسلمین کیجانب سے احتجاجی مظاہرہ کرکے مین بدین اسٹاپ پر دھرنا دیا گیا اس موقع پر امداد لاشاری،ارشاد کہیری و دیگر کا کہنا تھا کہ حکومت دہشتگردی کو روکنے کیلئے سخت اقدامات اٹھائے انہوں نے مطالبہ کیا کہ امام بارگاہوں پر ہونیوالے دھماکوں میں ملوث عناصروں کو بینقاب کرکے سخت سے سخت سزا دےجائے۔
۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔

تلہار (نمائندہ) پریس کلب تلہار کے جنرل سیکریٹری اور سینئر صحافی حاجی خمیسو دلوانی کا سوئم ہوگذرا جس میں سٹی پریس کلب کے صحافیوں سمیت بدین ضلع کے مختلف علائقوں سے سیاسی سماجی، ادبی، معززین اور صحافیوں نے شرکت کی جبکہ مرحوم صحافی کے فرزندان سے تعزیت کا سلسلہ جاری ہے۔