ٹیکسلا (ڈاکٹر سید صابر علی / تحصیل رپورٹر) پاکستان تحریک انصاف کے رہنما رکن پنجاب اسمبلی ملک تیمور مسعود اکبر نے کہا ہے کہ پی او ایف ایڈ منسٹریشن پی او ایف ایمپلائز رولز آپشن کے حوالے سے ملازمین میں پائی جانے والی اضطرابی کیفیت کو ختم کرے،آپریشن ضرب عضب میں پوری قوم پاک فوج کے شانہ بشانہ کھڑی ہے،ملک کے اہم دفاعی ادارے میں ملازمین میں پائی جانے والی بے چینی نیک شگون نہیں۔ملازمین کے مشترکہ مسائل پر تمام ایسوسی ایشنز سے مشاورت ہونی چاہئے،جو ملازمین کی نمائندگی کر رہی ہیں،ملازمین کے حقوق کا تحفظ ناگزیر ہے،ان خیالات کا اظہار انھوں نے اپنے ایک بیان میں کیا ، پی ٹی آئی کے ایم پی اے پی پی آٹھ ملک تیمور مسعود اکبر کا کہنا تھا کہ پی او ایف کے مزدور ملکی معیشت میں ریڑھ کی ةدی کی مانند ہیں،ملازمین سے کسی بھی آپشن مانگنے سے قبل اسکے فوائد اور نقصانات سے انھیں آگاہ کرنا ضروری ہے،مگر بد قسمتی سے پی او ایف ایمپلائز رول 2005 سے متعلق کو ئی معلومات ملازمین کو فراہم نہ کی گئیں،جس کی وجہ سے ہزاروں ملازمین میں اضطرابی کیفیت پائی جاتی ہے،پی او ایف ایدمنسٹریشن کو چاہئے کہ پہلے وہ پی او ایف ایمپلائز رولز 2005 اور 1973 کے خدوخال اسکے فوائد و نقصانات دونوں رولز کا موازنہ کرنے کے بعد ملازمین کو اسکی آگاہی فراہم کریں پھر ملازمین سے انکی مرضی کے مطابق آپشن مانگیں،انکا کہنا تھا کہ جو ملازمین سروس رولز 1973 کے تحت بھرتی ہوئے ہیںانھیں مذکورہ رولز کے مطابق نوکری کرنے کا حق دیا جائے،انھیں کسی صورت 2005 رولز کے تحت نوکری کرنے پر مجبور نہ کیا جائے،ملک تیمور مسعود اکبر کا کہنا تھا کہ اس وقت ملک مشکل ترین حالات سے گزر رہا ہے،ایسے میں ایک بڑے دفاعی ادارے کے ملازمین میں پائی جانے والی بے چینی کسی صورت ملکی مفاد میں نہیں اور نہ ادارے کے لئے بہتر ہے،پی او ایف واہ کینٹ جیسے دفاعی ادارے میں ملازمین کی نمائندہ تنظیم پی او ایف ورکمین ایسوسی ایشن موجود ہے،اس کے عاوہ تمام کیڈرز کے ملازمین کی نمائندہ تنظیمیں بھی موجود ہیں ، انتظامیہ کو چاہئے کہ وہ ان تمام ایسوسی ایشنز سے باہمی مشاورت کریں اور مزدوروں کے لئے جو بہتر ہو اسے قابل عمل بنانا جائے نہ کہ ملازمین کو بغیر اسکے نقصانات اور فوائد بتائے بغیر انھیں رولز 2005 کا آپشن دینے پر مجبور کیا جائے،انکا کہنا تھا کہ مزدوروں کے وسیع تر مفادات میں فیصلے ہی ادارے کی نیک نامی کا باعث ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی سے) واہ کینٹ بیرئیر دو اور تین جی ٹی ورڈ پر آئے روز حادثات کو کنٹرول کرنے کے لئے متعلقہ اداروں کے ذمہ داران مربوط لائح عمل تیار کریں تاکہ قیمتی اسنانی جانوں کے ضیائع سے بچا جاسکے،بے ہنگم ٹریفک ، جی ٹی روڈ پر رکشوں کی بھر مار، بس سٹاپ کی عدام فراہمی، اوور ہیڈ برج کی عدم دستیابی آئے روز حادثات کا موجب بن رہے ہیں،ان خیالات کا اظہار معروف قانون دان فاضل صدیقی ایڈووکیٹ،چوہدری محمد عرفان ایڈووکیٹ،سید نذیر حسین شاہ ایڈووکیٹ،اور شیخ جلال حیدر ایڈووکیٹ نے اپنے مشترکہ بیا ن میں کیا ، ٹیکسلا بار سے تعلق رکھنے والے وکلاء کا کہنا تھا کہ بیر ئیر نمبر دو تا بیرئیر نمبر تین جی ٹی روڈ پر حادثات کو کنٹرول کرنے اور حادثات کے نتیجے میں انسانی جانوں کے ضیائع کو روکنے کے لئے ضروری ہے کہ ٹریفک حادثہ کو قابل دست جرم قرار دینے کے لئے مناسب قانون سازی کی جائے،رکشوں کا جی ٹی روڈ پر چلنے پر پابندی عائد کی جائے،موٹر سائیکل کی رفتار پر کنٹرول کیا جائے،بیر ئیر نمبر تین کے نذدیکباضابطہ سٹاپ ، انڈ پاس یا اوور ہیڈ برج بنایا جائے تاکہ پیدل چلنے والے بچے بوڑھے مرد خواتین بلا خوف و خطر سڑک عبور کر سکیں،روڈ کے اندر ریفلیکٹر لگائے جائیں،چھاچھی محلہ جی ٹی روڈ کے قریب گاڑیوں کے اتوار بازار جو ٹریفک کی روانی میں خلل پیدا کرتا ہے پر مکمل طور پر پابندی عائد کی جائے اور انھیں گاڑیوں کے اتوار بازار کے لئے متبادل جگہ فراہم کی جائے،وکلاء کا کہنا تھا کہ حادثات کا شکار ہونے والے اکثریت پی او ایف کے ملازمین اور انکے اہل خانہ کے لوگ ہوتے ہیں،حادثات کی وجہ سے کئی گھرانے اجڑ چکے ہیں، جس کے تدارک کے لئے انتظامی افسران کو مربوط حکمت عملی کااختیار کرنا ہوگی تاکہ حادثات کی شرح میں کمی واقع ہوسکے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی سے) خون سفید ہوگیا، لین دین کے تنازعہ پر بھتیجے نے چچا کو گولیاں مار کر موت کے گھاٹ اتار دیا،ملزم موقع سے فرار ،پولیس نے مقتول کی والدہ کی مدعیت میں قتل کا مقدمہ درج کر کے ملزم کی تلاش شروع کردی،تفصیلات کے مطابق تھانہ ٹیکسلا کے علاقہ وحدت کالونی میں زاہد نامی نوجوان نے طیش میں آکر لین دین کے تنازعہ پر اپنے چچا عزیزر اللہ پر گولیوں کی بوچھاڑ کردی،عزیر زخموں کی تاب نہ لاتے ہوئے موقع پر ہی دم توڑ گیا،پویس نے پوسٹمارٹم کے بعد نعش ورثاء کے حوالے کردی،بتایا جاتا ہے کہ چچا بھتیجے میں کافی عرصہ سے لین دین کا تنازعہ چل رہا تھا، گزشتہ روز اسی لین دین کے تنازعہ پر دونوں میں تو تکرار ہوئی جس پر بھتیجے نے طیش میں آکر چچا پر فائرنگ شروع کردی اور موقع پر ڈھیر کردیا،پولیس تاحال ملزم کو گرفتار نہ کرسکی،کیس کی تفتیش ایس آئی یاسر کر رہے ہیں،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی سے) کنٹونمنٹ بورڈ واہ کینٹ ان اکیشن کنٹونمنٹ بورڈ کی حدود میںدرجنوںغیر قانونی قائم سکولز ، کالجز، اور ہسپتال سیل کر دیئے گئے،آپریشن عوامی شکایات پر چیئرمین پی او ایف بورڈ کے حکم پر کیا گیا،عوامی حلقوں کا انتظامیہ کو خراج تحسین،تفصیلات کے مطابق چئیرمین پی او ایف بورڈ کی جانب سے کینٹ ایگزیکٹیو آفیسر کو حکم جاری ہوا تھا جس میں باور کرایا گیا تھا کہ واہ کنٹونمنٹ بورڈ کی حدود میں غیر قانونی کمرشل استعمال ہونے والی عمارات کو بند کیا جائے،کنٹونمنٹ بورڈ واہ کینٹ نے ایکشن لیتے ہوئے واہ کینٹ کی حدود میں چالیس سے زائدغیر قانونی کمرشل بنیادوں پر کام کرنے والے سکولز ، کالجز اور ہسپتال سیل کر دیئے،یاد رہے کہ واہ کینٹ میں غیر قانونی طور پررہائشی بلاکوں میںکمرشل بنیادوں پر سکولز ، کالج اور ہسپتال قائم تھے،جس کی وجہ سے یہاں کے رہائشیوں کو سخت تکلیف کا سامنا کرنا پڑ رہا تھا،قبل ازیں ان افراد کو کینٹ بورڈ کی جانب سے متعدد مرتبہ نوٹسز بھی جاری کئے گئے مگر اس پر عمل درآمد نہ ہوسکا،ادہر واہ کینٹ کے عوامی حلقوں نے اسے سراہتے ہوئے چئیرمین پی او ایف بورڈ اور کینٹ ایگزیکٹیو آفیسر کو خراج تحسین پیس کیا ہے،عوامی حلقوں کا کہنا ہے کہ تاریخ میں پہلی بار عوامی مسائل کے حل کے لئے سنجیدہ کوششیں کی گئیں ہیں جو قابل ستائش ہیں۔۔
ڈیم بنائے گئے ہوتے تو جو پانی تباہی و بربادی پھیلا رہا ہے وہی پانی بجلی فراہم کر رہا ہوتا
جامعہ مسجد صدیقہ شیر شاہ کے امام مولانا مطیع اللہ کے انتقال پر مفتی محمد نعیم کی تعزیت