جھنگ (ڈسٹرکٹ رپورٹر) سانحہ گلشن اقبال پارک لاہور میں حالیہ دہشتگردی کے پیش نظر ضلعی حکومت جھنگ نے جشن بہاراں کی تقریبات کے انعقاد کو منسوخ کر دیا ہے۔اس ضمن میں ایڈمنسٹریٹر ضلعی حکومت /ڈی سی او نادر چٹھہ نے منسوخی کا نوٹیفیکیشن جار ی کر کے تمام متعلقین کو باقاعدہ طور پر آگاہ بھی کر دیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) محکمہ سپورٹس کے زیر اہتمام گزشتہ روز ر نمنٹ گرلز ہائر سیکنڈی سکول چک جنوبی جھنگ سٹی اور گورنمنٹ گرلز ہائر سکینڈری سکول سٹیلائٹ ٹائون جھنگ کے مابین بمقام گور نمنٹ گرلز ہائر سیکنڈی سکول چک جنوبی جھنگ سٹی انٹر سکولز باسکٹ بال گرلز مقابلہ جات منعقد ہوئے جس میں گور نمنٹ گرلز ہائر سیکنڈی سکول چک جنوبی جھنگ سٹی نے اول جبکہ سٹیلائٹ ٹائون جھنگ نے دوسری پوزیشن حاصل کی۔ اسی طرح ریلوے گرائونڈغلہ منڈی میں جھنگ آزاد فٹ بال کلب ، بھبھڑانہ فٹ بال کلب،ینگ سٹار کرسچین فٹ بال کلب اور ریتلی فٹ بال کلب کے مابین مقابلہ جات منعقد ہوئے ۔ جو کہ بھبھڑانہ ا فٹ بال کلب اور ریتلی فٹ بال کلب نے ایک ایک گول کی برتری سے میچ جیت لئے۔اسی طرح فٹ بال کا فائنل میچ بھبھڑانہ فٹ بال کلب اور الطاہر (ریتلی) فٹ بال کلب کے مابین شفقت شہید گرائونڈ میںکھیلاگیا جو کہ الطاہر (ریتلی) فٹ بال کلب نے جیت لیا۔اس موقع پر ای ڈی او ایجو کیشن نسیم احمد زاہد،پرنسپل گور نمنٹ گرلز ہائر سیکنڈی سکول چک جنوبی مسز سخاوت فاطمہ ، ایڈمنسٹریٹر سپورٹس سہولیات طاہر ملک اورالطاف حسین ڈسٹرکٹ سپورٹس آفیسر جھنگ موجود تھے۔پروگرام کے اختتام پرمہمان خصوصی ایم پی اے راشدہ یعقوب شیخ نے پوزیشن ہولڈز ٹیموں میں انعامات تقسیم کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ضلعی سنٹرل اسٹیشن ریسکیو 1122 میں سانحہ لاہور میں شہید ہونے والوں کے لئے ایک دعائیہ تقریب منعقد کی گئی جس میں ڈسٹرکٹ ایمرجنسی آفیسر ڈاکٹر طارق سعید کے علاوہ افسران و اہلکاران نے شرکت کی۔ اس موقع پرانہوںنے رد عمل کا اظہار کرتے ہوئے لاہور گلشن پارک میں دہشتگردوں کے ناپاک ارادوں کی سخت الفاظ میں مذمت کی۔اس دوران تما م شہداء کی ارواح کے ایصال ثواب کے لئے فاتحہ خوانی کی او ر ملک وقوم کی سلامتی کے لئے دعائیںبھی مانگی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) رات گئے جھنگ ہیڈ تریموں کے نزدیک ملکانہ موڑ کے قریب کھانا پکاتے ہوئے جھگی میں آگ لگنے سے ایک ہی خاندان کے دو بچے اور نوجوان زندہ جل گئے.. خاتون خانہ کھانا بنانے میں مصروف تھیں کہ اچانک اگ بھڑک اٹھی جس نے دیکھتے ہی دیکھتے پوری جھونپڑی کو لپیٹ میں لے لیا. آتشزدگی کے باعث 5 سالہ آسیہ 8 سالہ وسیم اور 16 سالہ ادریس موقع پر ہی جان بحق ہو گئے. جبکہ گھر کا سربراہ 35 سالہ ابراہیم جھلس گیا. جبکہ جھونپڑی کے اندر موجود گھر کا سارا سامان بھی جل کر راکھ ہو گیا. واقعہ کی اطلاع ملتے ہی ریسکیو 1122 جھنگ موقع پر پہنچ کر کارروائی کی اور طبی امداد کے علاوہ آگ کو بجھانے میں بھی مدد کی.
میں سوچتا ہوں لکھ دوں وفا کے نصاب میں, فضہ کا نام شمعِ شبستانِ فاطمہ
ریسکیو 1122 سنٹرل اسٹیشن پر سانحہ لاہور کے شہداء کے لئے فاتحہ خوانی