تھرل سے بھرپور ہالی وڈ فلم ’الائیڈ‘ کی نئی جھلکیاں جاری

Allied

Allied

لاس اینجلس (جیوڈیسک) معروف ہالی وڈ اداکار بریڈ پٹ کے مداح ہوجائیں تیار کیونکہ ایکشن اور تھرل سے بھرپور فلم ’الائیڈ‘ کی نئی جھلکیاں جاری کردی گئی ہیں۔

رابرٹ زیمیکس کی ہدایتکاری میں بننے والی اس فلم کی کہانی دوسری جنگ عظیم کے دوران پیش آنے والے ایک سچے واقعے کے گرد گھوم رہی ہے۔

جس میں 2 جاسوس ایک جرمن افسر کو قتل کرنے کے مشن کے دوران محبت میں گرفتار ہوجاتے ہیں۔ فلم میں بریڈ پٹ اور میرین کوٹیلارڈ مرکزی کردار نبھا رہے ہیں، جبکہ دیگر کاسٹ میں لیزی کیپلن، میتھیو گووڈ، جیرڈ ہیرس اور کیمل کوٹن شامل ہیں۔

گراہم کنگ اور اسٹیو اسٹارکے کی مشترکہ پروڈیوس کردہ یہ فلم پیراماؤنٹ پکچرز کے بینر تلے 23نومبر کو سینما گھروں کی زینت بنے گی۔