لاس اینجلس (جیوڈیسک) ہولی وڈ اداکار ٹام کروز کے مداح ہو جائیں تیار کیونکہ خوف اور دہشت سے بھرپور ایکشن فلم دی ممی کی نئی جھلکیاں جاری کر دی گئی ہیں۔
ایلکس کرٹزمین کی ہدایتکاری میں بننے والی اس فلم کی کہانی قدیم دور کی ایک ایسی صحرائی شہزادی کے گرد گھوم رہی ہے، جو صدیوں کے بعد بیدار ہوکر انسانی آبادی کیلئے خطرے کا باعث بن جاتی ہے۔
فلم کی کاسٹ میں ٹام کروز اینابیل ویلس کے علاوہ صوفیا بوٹیلا، جیک جانسن، رسل کرو،ڈیلان اسمتھ اور ریز کیمپٹن سمیت دیگر اداکار شامل ہیں۔
سیان ڈینیل اور رابرٹ اورسی کی مشترکہ پروڈیوس کردہ ایکشن سے بھرپور یہ فلم 9جون کو سینما گھروں کی زینت بنے گی۔
شویتا تیواری کے مرنے کی افواہ، شوہر بھی سکتے میں آ گئے
رمضان کا تصور بہت طاقتور ہے: وین ڈیزل