ٹرمپ کے اسلام سے متعلق جاہلانہ خیالات برطانیہ اورامریکا کو مزید غیر محفوظ بنا سکتے ہیں، صادق خان

Sadiq Khan

Sadiq Khan

لندن(جیوڈیسک) لندن کے نومنتخب میئر صادق خان نے کہا ہے کہ ڈونلڈ ٹرمپ کے اسلام سے متعلق جاہلانہ خیالات برطانیہ اور امریکا کو مزید غیر محفوظ بنا سکتے ہیں۔

صادق خان نے ڈونلڈ ٹرمپ کے اس بیان کی شدید مذمت کی ہے جس میں انھوں نے کہا کہ دیگر مسلمانوں کے امریکا آنے پر پابندی ہونی چاہیے، مسلمانوں کو اگرمرکزی دھارے سے الگ کرنے کی کوشش کی گئی تو وہ انتہاپسندوں کے ہاتھوں میں جا سکتے ہیں۔

صادق خان نے کہا کہ امریکا میں داخل ہونے پر پابندی صرف ان کا مسئلہ نہیں، بلکہ ان کے دوستوں ، اہلخانہ اور دنیا بھرکے ان لوگوں کا مسئلہ ہے جو مسلم کمیونٹی سے تعلق رکھتے ہیں۔ڈونلڈ ٹرمپ اور ان کے ارد گرد لوگ سمجھتے ہیں کہ اسلام امریکا کے لبرل کاز سے مطابقت نہیں رکھتا۔ لندن نے اس چیز کو غلط ثابت کردیا ہے۔