انقرہ (جیوڈیسک) ترکی میں ناکام فوجی بغاوت کی وجہ سے 200 سے زائد پاکستانی مسافر استنبول کے ہوائی ہوائی اڈے پر پھنس گئے تھے۔
ترکی میں ناکام فوجی بغاوت کی وجہ سے استنبول کے ائیر پورٹ پر پھنس جانے والے پاکستانیوں کو وطن واپس لانے کی لیے کوششیں جاری ہیں اور اتوار کو 140 مسافر ایک ترک فضائی کمپنی کی خصوصی پرواز کے ذریعے وطن واپس پہنچے۔
ٹرکش ایئرلائنز کی ایک خصوصی پرواز ٹی کے 708 ان مسافروں کو لے کر کراچی پہنچی۔ دوسری طرف پاکستان کے سفارت خانے کے ترجمان نے کہا ہے کہ ترکی میں موجود تمام پاکستانی محفوظ ہیں اور ترکی کے استنبول ایئر پورٹ پربھنسے پاکستانیوں کو وطن واپس لانے کی کوششیں جاری ہیں۔
سرکاری ذرائع ابلاغ سے گفتگو میں انہوں نے کہا کہ استنبول ہوائی اڈے پر پھنسے پاکستانیون کو ملک واپس لانے کے لیے دو پراوزوں کا انتظا م کیا گیا ہے ان میں ایک پرواز کراچی اور دوسری اسلام آباد جائے گی۔
ترکی میں ناکام فوجی بغاوت کی وجہ سے 200 سے زائد پاکستانی مسافر استنبول کے ہوائی ہوائی اڈے پر پھنس گئے تھے ان میں زیادہ تر مسافر وہ تھے جو امریکہ اور کینیڈا سے ترکی کی راستے پاکستان آرہے تھے۔
قبل ازیں پاکستان کے وزیر اعظم نواز شریف نے وزرات خارجہ کو ان مسافروں کو ملک واپس لانے کے لیے خصوصی اقدام کرنے کی ہدایت کی تھی۔ جمعہ اور ہفتہ کی درمیان شب ترکی کی فوج کے ایک دھڑے نے ملک کی منتخب جمہوری حکومت کا تختہ الٹنے کی ناکام کوشش کی تھی اور اس دوران 200 سے زائد افراد ہلاک ہوئے۔
ترکی میں جمہوریت کی حمایت میں ریلیاں
ترک وزیر خارجہ کا حکومتِ پاکستان کی حمایت کیے جانے پر اظہار تشکر