ملکہ (عمر فاروق اعوان سے) سرکل ملکہ کے پٹواری کو لوگ کہاں سے ڈھونڈیں۔ عوام ذلیل و خوار ہو کر رہ گئے۔ یونین کونسل ملکہ میں پٹواری کے لئے الگ بنایا گیا دفتر کا بھی کوئی فائدہ نہ ہوا۔ پٹواری صاحب اس دفتر میں بیٹھنا ہی گوارا نہیں کرتے۔ ان خیالات کا اظہا ر نواحی موضع ملکہ کی معروف سیاسی و سماجی شخصیت زاہد مصطفی اعوان نے میڈیا سے گفتگو کرتے ہوئے کہی ۔ انھوں نے کہا کہ علاقہ مکینوں کی سہولت کے لئے یونین کونسل ملکہ کے احاطہ میں پٹواری کے بیٹھنے اور پٹوار خانے کے لئے چیئرمین ملک محمد اقبال اعوان نے ایک الگ دفتر بنوایا ہے ۔ لیکن یہ دفتر وبال جان بن گیاہے۔ کیونکہ پٹواری تو وہاں بیٹھنا ہی گوارا نہیں کرتا۔اگر پٹواری کسی کام کی غرض سے کہیں گئے ہوئے ہوں ۔ تو کال سننا بھی پسند نہیں کرتے۔بے شک سائل کتنا ہی پریشان کیوں نہ ہو۔ انھوں نے کہا ڈی سی گجرات اور اے سی کھاریاں فوری نوٹس لیں اور پٹواری حلقہ پٹو ار ملکہ کی حاضری کو یقینی بنائیں۔اور پٹواری کی حاضری کو روزانہ کی بنیادوں پر یو سی ملکہ کے چیئرمین سے رپورٹ لی جائے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ (عمر فا رو ق اعوا ن سے )غریب اور معذور محمد اخلاق دو وقت کی روٹی کو بھی تر س گیا ۔سپیشل کوٹہ میں دوخواست دی مگر میری کہیں شنوائی نہیں ہو رہی ۔غربت کی زندگی گزارنے پر مجبور معذور محمد اخلاق گلیانہ پریس پہنچ گیا ۔وزیر اعلی میری مدد کریں اور مجھے باعزت نوکری دلوائیں تفصیل کے مطابق نواحی موضع سینتھل کے رہائشی محمد اخلاق ولد ما سٹر شفاقت علی مر حو م نے میڈیا سے گفتگو کرتے ہوئے بتایا کہ میرے والد محکمہ تعلیم میں بطور ٹیچر ذمہ داریاں نبھاتے ہوئے دنیا فانی سے کوچ کر گئے تھے ۔اب میری والدہ میرے ساتھ رہ رہی ہے ۔میں خود معذور ہوں اور بیساکھیوں کے ساتھ چلتا پھرتا ہوں ۔اس معاشرے میں مجھے ایک باعزت روزگار کی تلاش ہے ،محمد اخلاق نے بتایا کہ میں حلقہ این اے 107کا مکین ہوں ، مگر کہیں بھی شنوائی نہیں ہوئی ۔کیا غریب اور معذور ہو نا ہی میر ا گناہ ہے ۔میں اپنی والدہ اور اپنے لئے روز گار کی تلاش میں ہوں ۔وزیر اعلی پنچاب میری مدد کریں ۔اور مجھے کسی بھی محکمہ میں گریڈ فور کی نوکری دلوائیں ،میں ساری زندگی ان کو دعائیں دوں گا ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ (عمر فا رو ق اعوا ن سے ) چوہدری مہدی خاں مرحوم کی یاد میں موضع چکمال میں سالانہ اکھاڑہ بیلاںکا انعقاد کیا گیا۔ 50 سے زائد زمینداروں کے بیلوں نے ضلع گجرات، جہلم اور منڈی بہائوالدین سے حصہ لیا۔ دن بھر علاقہ کے عوام اس اکھاڑہ سے لطف اندوز ہوتے رہے۔ مہمانِ خصوصی ضلعی چیئرمین گجرات چوہدری محمد علی تنویر کوٹلہ تھے۔ پہلے، دوسرے اور تیسرے نمبر پر آنے والے بیلوں کے مالکان کو قیمتی راس بھینسیں اور نقد انعامات کے ساتھ ساتھ جھنڈے بھی دیئے گئے سیکورٹی کے لئے تھانہ گلیانہ پولیس نے فول پروف انتظامات کئے ہو ئے تھے ۔
لیہ کی خبریں 15/3/2017
معاشرے کو جہالت کے اندھیروں سے نکالنے کیلئے علم کی شمع روشن کرنا ہو گی، ایم اے تبسم