لندن (جیوڈیسک) برطانیہ میں دہشت گردی کی منصوبہ بندی کے الزام میں ایک مسلمان جوڑے کو قصور وار ٹھہرایا گیا ہے ۔ میاں بیوی کو لندن بم دھماکوں کے دس سال مکمل ہونے پر دہشت گردی کی مزید کارروائیاں کرنے کی منصوبہ بندی پر گرفتار کیا گیا تھا ۔
برطانیہ میں پولیس نے لندن میں دہشتگردی کی منصوبہ بندی کرنے پر محمد رحمان اور ان کی اہلیہ ثنا احمد کو مجرم قرار دے دیا ہے ۔ پولیس کے مطابق دونوں میاں بیوی سات جولائی کو لندن بم دھماکوں کے دس سال مکمل ہونے پر دہشت گردی کی مزید کارروائیاں کرنا چاہتے تھے ۔ پولیس نے ان کی رہائش گاہ سے ایسے کیمیکلز بھی برآمد کرلیے ہیں جو بم بنانے میں استعمال ہوتے ہیں ۔
25 سالہ محمد رحمان نے گرفتاری سے پہلے لندن کی زیر زمین میٹرو اور ایک شاپنگ سینٹر کو نشانے بنانے کے بارے میں سوشل میڈیا پر تبصرہ کیا تھا ۔ برطانوی میڈیا کے مطابق محمد رحمان اور اُن کی اہلیہ ثنا احمد کو اسی ہفتے سزا سنائی جائے گی ۔
دو ہزار پندرہ میں دس لاکھ تارکین وطن یورپ میں داخل ہوئے :اقوام متحدہ
افغان طالبان پر اقوام متحدہ کی پابندیوں میں نرمی کی حمایت کرینگے: روس