واشنگٹن (جیوڈیسک) نفرت انگیز بیانات دینے والے ڈونلڈ ٹرمپ کی ایک اور متنازعہ تجویز سامنے آ گئی، ان کا کہنا ہے کہ امریکا میں جرائم سے نمٹنے کے لیے مسلمانوں کی پروفائلنگ یا ذاتی معلومات اکھٹی کرنی چاہیئے ۔
مسلمان مخالف بیانات سے شہرت پانے والے ری پبلکن پارٹی کے ممکنہ صدارتی امیدوار نے ایک اور متنازعہ تجویز پیش کی ہے ۔ ٹرمپ کا کہنا ہے کہ مساجد کی مزید جانچ پڑتال کی جانی چاہیے ۔ امریکا میں جرائم کی روک تھا م کے لیے مسلمانوں کی پروفائلنگ ہونی چاہیے ۔ پروفائلنگ میں شہری کی ذاتی زندگی کی تفصیل ہو گی ۔
ٹرمپ کی اس تجویز پر سیاسی مخالفین سمیت ری پبلیکنبز نے تنقید کرتے ہوئے کہا ہے کہ پروفائلنگ سے مسلمان الگ تھلگ ہو جائیں گے ۔ واضح رہے کہ اس سے پہلےٹرمپ نے مسلمانوں کے امریکہ میں داخلے پر پابندی لگانے کی حمایت کی تھی ۔
پٹھان کوٹ واقعے پر پاکستان کی جانب سے تحقیقات کا انتظار کررہے ہیں، سشما سوراج
امریکا: دہشت گردی کا خوف، اسلامک سینٹرز اور مساجد کی نگرانی کا عمل جاری