جامعہ بنوریہ عالمیہ کی خبریں 12/9/2016

University Banuria

University Banuria

کراچی: عالمی شہرت یافتہ دینی درسگاہ جامعہ بنوریہ عالمیہ کی مرکزی جامع مسجد محمدی میں عیدالاضحیٰ کی نمازچھ بجکر پینتیس منٹ (6:30) پراداکی جائیگی ،امات و خطابت کے فرائض جامعہ بنوریہ عالمیہ کے ناظم تعلیمات شیخ الحدیث مولانا عبدالحمید خان غوری فرائض اداکرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چرم قربانی کے عطیات جامع بنوریہ کے مسافرطلبہ کودیں، مولانا غلام رسول
دینی ادارے طلبہ کو تعلیم ، کتب طبی ودیگر سہولیات مفت فراہم کرتے ہیں،عوام الناس سے اپیل

کراچی: جامعہ بنوریہ عالمیہ کے ایڈمنسٹریٹر مولانا غلام رسول نے کہاکہ دینی اداروں کی خدمت ملک وملت کیلئے ناقابل فراموش ہیں چرم قربانی کے حقدار دینی ادارے اور مدارس دینیہ ہیں جو بے لوث ہوکر دنیا بھر کے طلبہ وطالبات کو مفت تعلیم او سہولیات فراہم کرتے ہیں،جمعرات کو جامعہ بنوریہ عالمیہ سے جاری بیان میں ایڈمنسٹریٹر جامعہ بنوریہ عالمیہ مولانا غلام رسول نے کہاکہ دینی ادارے اور مدارس دینیہ بے لوث ہوکر دنیا بھر میں دین اسلام کی حقیقی ترجمانی کررہے ہیں جس کو کبھی فراموش نہیں کیا جاسکتا،اور عصر حاضر میں دینی مدارس بھی بلاشک وشبہ بے لوث ہوکر دینی خدمات انجام دینے میں مصروف ہیں ،ان دینی اداروں اور مدارس کے ساتھ تعاون کرنا ہر صاحب خیر مسلمان کا دینی فریضہ ہے اس لیے چرم قربانی کے اصل حقدار مدارس دینیہ کے مسافر طلبہ ہیں جو اپنے ممالک ،شہروں ، علاقوں سے آکر دین اسلام کی تعلیم حاصل کررہے ہیں اور مدارس دینہ میں ان کیلئے تعلیمی کتب ، طبی ودیگر سہولیات مفت مہیہ کرتے ہیں جو سب اہل خیر کے تعاون سے ہوتاہے چرم قربانی میں دینی اداروں کے ساتھ تعاون ہر مسلمان کی ذمہ داری اور دینی فریضہ ہے یہ ادارے عوام کے تعاون سے ہی دینی خدمات سرانجام دے رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(پیغام عید )
تما م اہل اسلام کو عید مبارک
جامعہ بنوریہ عالمیہ کے رئیس وشیخ الحدیث مفتی محمدنعیم اور جامعہ بنوریہ عالمیہ سائٹ کی انتظامیہ جملہ اساتذہ وطلبہ کی جانب سے تمام اہل اسلام صحافی برادری اور میڈیا ہاوسز سے وابستہ تمام کو عید مبارک اور اللہ تعالیٰ سے دعاء ہے کہ اللہ تعالیٰ اس عظیم دین کی برکت سے آپ سب کو دنیا وآخرت میں کامیابیاں عطاء فرمائے اور آپ کی قربانیوں کو قبول ومنظور فرمائے اور امت مسلمہ کو باہم اتحاد واتفاق کی قوت سے نوازے۔ (آمین )
منجانب :ترجمان جامعہ بنوریہ عالمیہ ایم این ناصر ، 03121004096-03336748714