یہ جنگ جاری رہے گی

Taliban

Taliban

تحریر : میر شاہد حسین
” مجھے ایک بات سمجھ میں نہیں آتی۔” ”اچھا ہے تمہیں تو صرف ایک بات سمجھ میں نہیں آتی مجھے تو کوئی بھی بات سمجھ میں نہیں آتی۔” ”سمجھ میں تو تمہیں تب آئے ناں جب تم کسی کی کوئی بات سنو۔ تم نے تو بس ایک ہی رٹ لگا رکھی ہے کہ میں نہ مانوں۔” ”اچھا بتاؤ کیا بات سمجھ میں نہیں آتی؟” ”بات اتنی سی ہے کہ امریکہ بہادر طالبان سے مذاکرات بھی کرنا چاہتا ہے اور ان سے لڑائی کا کوئی موقع ہاتھ سے جانے بھی نہیں دیتا۔”

” یہ تو بہت سادہ سی بات ہے جو تمہیں چھوٹی سی عقل میں نہیں آ رہی۔ ” ”تو تمہاری بڑی عقل کیا کہتی ہے اس مسئلہ کے بیچ۔” ” بات اتنی سی ہے کہ وہ افغانستان سے نہیں جانا چاہتا ۔وہ اتنی دور سے یہاں چنے بھوننے یا مذاکرات مذاکرات کھیلنے نہیں آیا۔ ” ”تو پھر کیا کرنے آیا ہے۔

دہشت گردی کا صفایا کرنا ہے۔” ”لیکن ہمیں یہاں امن لائے بغیر دہشت گردی کا خاتمہ ہوتا تونظر نہیں آتا۔” ”نہ ہو ہماری بلا سے لیکن ہم یہاں سے جانے والے نہیں تم میری بات لکھ لو۔”

Nine Eleven

Nine Eleven

”آپ کے ارادے ٹھیک دکھائی نہیں دیتے ، لگتا ہے اس کے پیچھے کچھ اور مقاصد بھی ہیں۔” ”تو اور کیا … یہ جو نائن الیون کے بعد قتل و خون، ٹارگٹ کلنگ، بھتہ خوری ، خودکش دھماکے اچانک پیدا ہوئے تھے یا کسی کی پیداوار تھے۔” ” تو تمہارا مطلب ہے کہ عراق و شام کی جنگ بھی کسی بڑے گیم کا حصہ تھی۔

دنیا میں ہر ملک کے اپنے اپنے مفادات ہیں لیکن بڑی طاقتیں اپنے مفادات کے لیے چھوٹے ملکوں کو استعمال کرتی ہیں۔ جو ملک ان کے مفادات کے خلاف دکھائی دیتا ہے یہ اسے پتھر کے زمانے میں بھیجنے کی دھمکی دینے سے بھی گریز نہیں کرتیں۔”

” گویا مفادات کی جنگ نے دنیا کو تباہی کے دہانے پر لا کھڑا کیا ہے۔” ”دنیا تباہ ہوتی ہے تو ہوجائے لیکن ہم اپنے مفادات کا دفاع دنیا کے ہر کونے تک کریں گے۔” ”پہلے روس اپنے مفادات کا دفاع کرتے کرتے افغانستان تک آیا تھا اور اب امریکہ بہادر آیا ہوا ہے۔

America

America

سمجھ میں نہیں آتی کہ افغانستان میں ایسا کیا چیز کاشت ہوتی ہے؟
” آپ انگریزوں کو تو بھول ہی گئے وہ بھی یہاں تشریف لائے تھے لیکن پتھر اٹھا کر چھوڑ گئے کہ یہ پتھر بھاری ہے۔” ” توپھر کیا خیال ہے یہ پتھر امریکہ بہادر کب تک اٹھا سکے گا؟” ” یہ وہ پتھر ہے جو نہ اُگلا جارہا ہے اور نہ ہی نگلا جا رہا ہے۔

واپس جائے گا تو سویت یونین کی طرح روس بن جائے گا اورغرور خاک میں مل جائے گا اور کھڑا رہے گا تو اس کے اخراجات زیادہ دیر تک برداشت نہیں کرسکے گا۔

دوسری طرف چین اپنے قدم اس خطے پر مضبوطی سے جما رہا ہے۔ وہ گوادر پورٹ اور راہداری بن جانے کے بعد معاشی طور پر اس قابل ہوجائے گا کہ دنیا میں سپر پاور بن کر ابھرے ۔” ” سنا ہے کہ امریکہ جیسی سپر پاور بھی اس کی مقروض ہوتی جا رہی ہے۔

مقروض تو یہاں سب ہیں لیکن فرق صرف یہ ہے کہ کسی نے کشکول اٹھا رکھا ہے تو کسی نے اپنا بینک اکاؤنٹ دے رکھا ہے۔” ” ملا اختر منصور کے بعد اب ملا ہیبت اﷲ آئے ہیں جنہوں نے کہہ دیا ہے کہ اب مذاکرات نہیں ہوں گے۔” ”مطلب یہ جنگ جاری رہے گی۔

Mir Shahid

Mir Shahid

تحریر : میر شاہد حسین